Actualidade
Novas e Axenda Bota un ollo á actividade do GEA

Fernando Redondo foi elixido presidente da Fundación Neira Vilas

O sobriño do escritor releva a Luis Reimóndez

05/04/2019

O Patroado da Fundación Neira Vilas reuniuse en Gres para escoller novo presidente, tralo pasamento en decembro de Luis Reimóndez. O cargo recaeu no sobriño do escritor, Fernando Redondo Neira, membro do Grupo de Estudos Audiovisuais. O docente e investigador formaba parte do Padroado da Fundación desde 2016, e na súa candidatura reivindicou a continuación da institución como centro cultural de Gres, actividade á que se sumarán outras, como as convocatorias de premios literarios, consideradas de interese para manter vivas a memoria e a obra do cruceño. De feito, Redondo silana que a súa principal motivación para se presentar á presidencia foi o desexo de «traballar á prol da promoción e a difusión da obra de Neira Vilas, a defensa do seu legado, o de Anisia Miranda, e agora tamén o de Luis Reimóndez».

O novo presidente acadou nos últimos anos varios premios. O máis recente foi o Ramón Piñeiro de Ensaio 2018 pola obra Os amorodos de Bergman, que se publicará esta primavera. Obtivo tamén o premio Manuel Reimóndez Portela de Xornalismo en A Estrada e o II Premio María Luz Morales de ensaio sobre audiovisual, na categoría de audiovisual internacional.

MÁIS NOVAS
Pasamento de Enrique Bustamante
Recibimos con fonda dor a nova do pasamento de Enrique Bustamante, traballador infatigábel no eido da comunicación. Que a terra che sexa leve, compañeiro.
21/06/2021

http://ae-ic.org/fallecimiento-de-enrique-bustamante/

Seguir lendo
Martín Barbero, na memoria
Intervención de Margarita Ledo na sesión-homenaxe que lle dedicaron as investigadoras e os investigadores do espazo latinoamericano no IV Congreso da AE-IC (Madrid, 2016). Séxalle leve a terra
14/06/2021

Arredor de Jesús Martín Barbero: Mapa para voos nocturnos Margarita Ledo Andión No prefacio a Vol de nuit, 1931, de Saint-Exupéry, André Gide fálanos de “le surpassement de soi et le sens de devoir”. E talvez por iso é común atopar nos escritos do propio Martín Barbero ademais de nos seus analistas ese topos que […]

Seguir lendo
Última chamada para o envío de propostas á 12ª ed. do congreso internacional Small Cinemas
O prazo para a recepción de resumos remata o 10 de xuño.
03/06/2021

O Grupo de Estudos Audiovisuais da USC é o encargado de organizar a 12ª edición do congreso internacional Small Cinemas, un encontro itinerante de carácter anual que congrega investigadoras e investigadores de todo o mundo referentes no estudo dos denominados pequenos cinemas, cinematografías de países e culturas con linguas minorizadas, nacións sen estado ou entidades […]

Seguir lendo
© 2021 Estudos Audiovisuais