Gran afluencia de público na presentación de dous libros do I+D+i sobre o cinema español posbélico na Fundación Wenceslao Fernández Flórez
Como estaba previsto, o pasado venres presentaronse na Sede da Fundación Wenceslao Fernández Flórez os libros Tragedias de la vida vulgar. Adaptaciones e irradiaciones de Wenceslao Fernández Flórez en el cine español e El malvado Carabel: literatura y cine popular antes y después de la Guerra Civil, que recollen importantes traballos de investigación desenvoltos no Proxecto Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648, Plan Nacional de I+D+i 2013-2015, Mineco – Goberno de España).
O acto estivo presidido polo Investigador Principal do Proxecto e Presidente da Fundación WFF, José Luis Castro de Paz, e contou coa presenza dos presidentes de honra da Fundación (Wenceslao e Antonio Luis Fernández Flórez), a vicepresidenta da Deputación da Coruña (Mariel Padín), o alcalde de Cambre (Manuel Rivas Caridad), así como os destacados historiadores do cinema Jean Claude Seguin (presidente honorífico do Grimh) e Julio Pérez Perucha (presidente da Asociación Española de Historiadores do Cinema), que reflexionaron sobre a importancia dos volumes presentados e reivindicaron a influencia cinematográfica da obra do escritor coruñés nun coloquio con gran asistencia de público.
A aprobación da Lei Xeral do Audiovisual en 2022 actualizou o marco normativo español en materia audiovisual, abordando algúns dos retos presentados por axentes como as plataformas de streaming pero deixando abertos algúns outros no relativo á protección da diversidade. O proxecto LEXCAV, financiado polo Programa Estatal de I+D+i Orientada a los Retos de la Sociedad e desenvolvido polo Grupo Estudos Audiovisuais, ten realizado nos […]
O Teatro Colón da Coruña foi o escenario este venres da V Gala da Cultura, unha cita na que a Deputación da Coruña reuniu 19 persoas premiadas en 13 categorías. O evento, presentado pola xornalista Susana Pedreira e o actor e músico Xoán Fórneas, contou coa actuación de Caamaño & Ameixeira e cunha destacada presenza […]
O venres pasado, 17 de abril, Rocío del Pilar Sosa Fernández, membro do GEA, presentou a comunicación Accessibility and Efficiency in Virtual Production: A TAM-Based Comparison of Luma AI (NeRFs) and Smartphone LiDAR no marco da conferencia 2026 SJTU-IAMCR Emerging Media Conference: Creative Communication and Empowerment. Devandito evento foi organizado pola International Association for Media […]