Actualidade
Novas e Axenda Bota un ollo á actividade do GEA

“Diversidade e industrias culturais”, Call for papers da revista Quaderns del CAC

05/10/2016

A revista Quaderns del CAC vén de abrir a convocatoria para presentar traballos que formarán parte do seu próximo monográfico, o número 43. Este estará adicado á análise da diversidade nas industrias culturais e das iniciativas de protección e promoción, arredor do cal propoñen os seguintes temas de interese:

– Avaliación do impacto da Convención sobre a protección e promoción da diversidade das expresións culturais (UNESCO, 2005) a unha década da súa posta en marcha.

– Implementación e adaptación da Convención 2005 da UNESCO na era dixital.

– Os axentes culturais na Internet e as prácticas que contribúen coa súa diversidade: cartografía e desafíos.

– A diversidade no sector audiovisual dixital (cine, radio, televisión, música, videoxogos, OTT): contidos, estrutura e políticas públicas.

– Boas prácticas para a diversidade nas industrias culturais.

– Dereitos de autor, copyright e diversidade nas industrias culturais.

– Medición e estatísticas para avaliar a diversidade das expresións culturais.

– Problemáticas específicas da diversidade nas culturas das nacións sen estado.

Ademais disto, a revista ten unha sección miscelánea chamada “Artículos” para a que aceptan investigacións en curso sobre comunicación e cultura audiovisual. A data límite para a presentación de traballos é o 13 de marzo de 2017, e as normas poden descargarse neste enlace. Os artigos enviaranse a quadernsdelcac@gencat.cat.

MÁIS NOVAS
Nova publicación sobre a representación cinematográfica das emigrantes galegas na Arxentina
22/01/2020

Nos seus escritos sobre cinema, Jean Epstein explicaba poeticamente que todo film contén unha “traxedia en suspenso” que non está explícita na narrativa. Esta idea cinemática guía a análise que Marta Pérez Pereiro e Silvia Roca Baamonde realizan dos filmes Cándida (1939) e Cándida millonaria (1941), dúas das tres comedias sobre unha criada galega en […]

Seguir lendo
O «Filma Afro 2020» abre o prazo de solicitudes de ‘Bolsas Ibermedia’ e ‘Matrículas Internacionais’
Admítense propostas até o 15 de febreiro
21/01/2020

«Filma Afro Cartagena», o Laboratorio Internacional en Desenvolvemento de Proyectos documentais, é un punto de encontro no que se dan cita realizadoras/es de Iberoamérica e o mundo para traballar xunto a grandes profesionais da cinematografía internacional no perfeccionamento de proxectos documentais cuxo tema central estea relacionado coa representación da cultura Afro. A organización vén de abrir […]

Seguir lendo
Ábrese o prazo de presentación de propostas ao Prémio PrimeirOlhar
Recoñece os mellores documentais realizados por estudantes de cinema e audiovisual no ámbito lusófono
20/01/2020

Os Encontros de Cinema de Viana abren un ano máis a convocatoria de presentación de candidaturas aos Premios PrimeirOlhar, unha sección competitiva que procura promover a realización de documentais co recoñecemento do mellor filme de non ficción desenvolvido por estudantes de escolas de cinemas, de audiovisual,  comunicación e de participantes en cursos de documental promovidos […]

Seguir lendo
© 2020 Estudos Audiovisuais