Dispoñible o programa provisional do Congreso AE-IC 2020
A asociación homenaxea este ano a Margarita Ledo Andión, Ramón Zallo e Néstor García Canclini.
Do 7 ao 10 de xullo de 2020 a Asociación Española de Investigación de la Comunicación (AE-IC) celebrará o seu sétimo congreso internacional na Facultade de Filoloxía, Tradución e Comunicación da Universidade de Valencia. Baixo o lema «Comunicación e Diversidade», o evento congregará a expertas/os en comunicación da contorna estatal e internacional para ofrecer unha diagnose da situación actual e presentar propostas de articulación de políticas públicas neste sector capital.
O programa provisional do encontro, xa dispoñible en rede, recolle a composición das sesións plenarias, que centrarán o foco na relación entre comunicación e diversidade con conceptos como democracia, o desenvolvemento e a creatividade e nas que participarán reputadas voces como Tristan Mattelart (Université Paris II – Panthéon-Assas), Divina Frau-Meigs (Université Sorbonne Nouvelle – Paris 3), Marianne Kneuer (Universität Hildesheim), Guillermo Orozco Gómez (Universidad de Guadalajara), Dolors Palau (UV), Francisco Rui Cádima (Universidade Nova de Lisboa), Víctor Mari Sáez (Universidad de Cádiz), Lorna Chacón (Universidad de Costa Rica), Claudia Mellado (Pontificia Universidad Católica de Valparaíso), Natalia Papí (UA), Néstor García Canclini (Universidad Autónoma Metropolitana de México), Emili Prado (Universitat Autònoma de Barcelona), Immacolata Vasallo de Lopes (Universidad de Sao Paulo), ou Adriana Amado (Universidad de La Matanza).
Para alén das sesións plenarias e as sesións paralelas para a presentación de comunicacións, a sétima edición do Congreso AE- IC reserva un lugar destacado para o recoñecemento á traxectoria e achegas de tres figuras mestras da investigación en comunicación e rende homenaxe ao profesor da Universidad Metropolitana de México, Néstor García Canclini, ao profesor da Euskal Herriko Unibiertsitatea, Ramón Zallo e á profesora da USC, Margarita Ledo Andión.
O programa do encontro inclúe tamén dous seminarios pre-congresuais sobre a cooperación iberoamericana en comunicación e cultural e sobre a uso das NTIC ao servizo da investigación en comunicación.
O prazo para a matrícula de relatoras/es e asistentes ficará aberto até o 12 de xuño.
A Catedrática de Comunicación e IP do Grupo de Estudos Audiovisuais, Margarita Ledo, participará no curso: Habitar el lenguaje: arte, política y ficción o vindeiro 19 de xuño. O curso, organizado polo Círculo de Bellas Artes de Madrid, aborda as formas contemporáneas de representación e as súas implicacións políticas e sociais desde diferentes perspectivas e disciplinas. Esta reflexión […]
O 1º Encontro de Fotografía Documental Contemporánea Galega está organizado dende o Grupo de Estudos Audiovisuais e agrupa unha lista de actividades que teñen como cometido achegar fotografía documental galega, da man dunha extensa lista de profesionais, ao eido universitario. Compónse á súa vez de diferentes actividades dende os meses de abril ata xullo: EXPOSICIÓN […]
Santiago de Compostela, 10 de maio de 2023.- Representantes do sector audiovisual valoraron esta mañá en rolda de prensa a aprobación, por parte do parlamento europeo, do relatorio para a aplicación da Directiva audiovisual, salientando a inclusión dunha emenda elaborada polas entidades agrupadas na Iniciativa polo galego no audiovisual do que asistiron en representación: Margarita […]