Actualidade
Novas e Axenda Bota un ollo á actividade do GEA

Ábrese o prazo para o envío de comunicacións ao Congresso Iberoamericano de Fotojornalismo

Até o 18 de setembro

23/03/2020

O Instituto da Comunicação da Universidade Nova de Lisboa organiza do 11 ao 12 de febreiro de 2021 o Congresso Iberoamericano de Fotojornalismo, nunha edición que leva por título Fotojornalismo en Mudança. 

A organización do congreso vén de abrir o prazo para a presentación de comunicacións, que poden ser dirixidas a calquera dos eixos centrais de traballo:

1. Historia do fotoxornalismo
2. Vida e obra de fotoxornalistas (biografías profesionais)
3. Axencias de fotoxornalismo e fotoxornalismo de axencia
4. Fotoxornalismo e dispositivos móbeis
5. Fotoxornalismo, web e redes sociais
6. Fotoxornalismo e narrativas transmediáticas
7. Formatos, xéneros, fronteiras, experimentación e innovación en fotoxornalismo
8. Análise do discurso fotoxornalístico
9. Tecnoloxía e técnicas en fotoxornalismo
10. Ética do fotoxornalismo
11. Teoria e teóricos do fotoxornalismo
12. Ensino do fotoxornalismo

As propostas poden ser presentadas en portugués, español ou inglés e deben ser remitidas ao enderezo fotojornalismoiberoamericano@gmail.com até ao día 18 de setembro de 2020.

Cada autor/a poderá presentar até dúas comunicacións individuais e, eventualmente, unha terceira, sempre e cando unha delas sexa en co-autoría. Daráse prioridade a comunicacións inéditas que aporten novo coñecemento aos estudos sobre fotoxornalismo ou comunicación , que presenten un novo ángulo sobre un tema xa anteriormente abordado.

Ao considerar que o fotojornalismo é uma das menos estudadas especialidades do jornalismo, pese á relevancia que a imaxe fotográfica ocupou e ocupa no campo da información xornalística, este congreso procura contribuír a rematar con esa carencia nos estudos sobre media e xornalismo. O evento proporcionará a profesionais, investigadoras/es, docentes, estudantes e demais persoas interesadas un foro de debate onde abordarlo dende diferentes puntos de vista.

»Ver o CFP

MÁIS NOVAS
O 18 de outubro remata o prazo do Call for Papers do VIII Congreso AE-IC – Barcelona 2022
21/09/2021

A Asociación Española de Investigación da Comunicación AE-IC mantén aberta ata o 18 de outubro de 2021 a chamada á presentación de traballos para o VIII Congreso Internacional que se celebrará en Barcelona do 28 de xuño ao 1 de xullo de 2022. Investigadores/as en comunicación, especialmente dos ámbitos español, europeo e latinoamericano, están convidados […]

Seguir lendo
O GEA participa na homenaxe a Jesús Martín-Barbero da revista MATRIZes
Margarita Ledo publica un texto sobre testemuños ibéricos xunto cos profesores Isabel Ferín, Manuel Pinto e Joseph Straubhaar
13/09/2021

A revista MATRIZes recolle no seu último número unha homenaxe ao investigador Jesús Martín-Barbero na que o GEA contribúe cun texto escrito polos profesores Margarita Ledo, Isabel Ferín, Manuel Pinto e Joseph Straubhaar. Outros pesquisadores como Maria Immacolata Vassallo de Lopes, Muniz Sodré ou Néstor García Canclini contribúen na monografía con testemuños sobre a obra […]

Seguir lendo
Margarita Ledo Andión participa nun seminario web sobre sobre documental feminista
O webinar irá acompañado dun ciclo de cine VoD, que incluirá o seu filme Nación
09/09/2021

Do 15 ao 17 de setembro, a Universitat Rovira i Virgili de Tarragona organiza un webinar titulado “El documental feminista en España como agente del cambio social” no que participará Margarita Ledo Andión. Ledo conversará con Pilar Monsell sobre a articulación a través da linguaxe documental da memoria das mulleres traballadoras. A sesión, titulada “Nunca […]

Seguir lendo
© 2021 Estudos Audiovisuais