Actualidade
Novas e Axenda Bota un ollo á actividade do GEA

Ábrese o prazo de inscrición no Simposium sobre a Impronta de Wenceslao Fernández Flórez no cinema español

21/02/2014

Ata o 20 de marzo permanecerá aberto o prazo de inscrición no Simposium Internacional “Costumismo, humor, melancolía, reflexividade: Impronta de Wenceslao Fernández Flórez no cinema español”, que se celebrará en Santiago de Compostela e A Coruña, os días 27 e 28 de marzo.
A asistencia é gratuíta, e para formalizar a inscrición, basta con enviar unha solicitude ao correo electrónico simposiumcinefernandezflorez@gmail.com. Entregarase diploma de asistencia aos alumnos das Universidades de Santiago de Compostela, A Coruña e Vigo, así como aos asistentes non estudantes que o soliciten expresamente.
Como vimos anunciando, o simposium constitúe un dos actos centrais do cincuenta aniversario do pasamento de Wenceslao Fernández Flórez. Está dirixido polo Catedrático de Comunicación Audiovisual José Luis Castro de Paz no eido do Proxecto de Investigación “Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez” (MINECO. Goberno de España. CSO2012-34648), e organizado pola Facultade de Ciencias da Comunicación da Universidade de Santiago de Compostela (Grupo de Investigación Estudos Audiovisuais), a Facultade de Filoloxía da Universidade da Coruña, o Concello da Coruña, a Deputación da Coruña e o Centro Galego de Artes da Imaxe (AGADIC. Xunta de Galicia).
O encontro versará sobre a decisiva influencia da obra do autor galego na configuración de certos modelos de estilización no cinema español das dúas primeiras décadas posbélicas. A conferencia inaugural correrá a cargo do Catedrático de Literatura da Universidad de Zaragoza José-Carlos Mainer, acreditado estudoso das letras españolas e experto na obra de Fernández Flórez, e, a continuación, destacados investigadores procedentes de diversas universidades do territorio nacional e internacional reflexionarán e debaterán acerca de cuestións vinculadas tanto á influencia directa da obra do escritor coruñés nas adaptacións fílmicas dos seus textos como a determinados aspectos da súa literatura e do cine español do período. Finalmente, tras dúas intensas xornadas, o ciclo de intervencións rematará cunha conferencia do Presidente da Asociación Española de Historiadores del Cine, Julio Pérez Perucha.
Engádese adxunto o programa completo do simposium, e para máis información:
“Costumismo, humor, melancolía, reflexividade: Impronta de Wenceslao Fernández Flórez no cinema español”

TRIPTICO DO SIMPOSIUM

MÁIS NOVAS
Margarita Ledo Andión participa nas xornadas “50 anos do 25 de abril”
A Catedrática emérita do GEA estará presente no coloquio: "O 25 de abril do outro lado do Miño" na Facultade de Filoloxía da USC
12/04/2024

A Revolución dos Caraveis, o levantamento militar do 25 de abril de 1974 en Portugal, denominado en portugués Revolução dos Cravos, derrubou nun día o réxime político ditatorial que existía no país veciño desde 1926. As cinco xornadas que compoñen o programa das xornadas que conmemoran os 50 anos deste feito histórico, desenvolveranse desde o […]

Seguir lendo
30 aniversario da AGAPI
A segunda xornada terá lugar o mércores 17 de abril na Facultade de Ciencias da Comunicación da USC
12/04/2024

Neste 2024 AGAPI celebra o seu 30 aniversario e unha das accións que vai levar adiante é a celebración dunhas xornadas formativas itinerantes polas tres universidades galegas nas facultades de Ciencias da Información dentro do Grao de Comunicación Audiovisual da Universidade de Santiago de Compostela (USC), Universidade de Vigo (UVIgo) e Universidade da Coruña (UDC). […]

Seguir lendo
Roi Méndez e Rocío del Pilar Sosa presentan The White Book for teaching through virtual TV sets
A comunicación na Open Universiteit tivo lugar o 8 de marzo.
14/03/2024

A conferencia Cloudclass: Innovative teaching with virtual studio technology tivo lugar o pasado 8 de marzo de 2024 na Open Universiteit (Heerlen). Educadores, expertos técnicos e estudantes reuníronse coa fin de afondar no ámbito da tecnoloxía inmersiva e nas súas aplicacións na educación. O evento, que marcou a culminación do proxecto CloudClass: Low Cost, Mobile, […]

Seguir lendo
© 2024 Estudos Audiovisuais