Actualidade
Novas e Axenda Bota un ollo á actividade do GEA

A Sala Clangor como Patrimonio Inmaterial

Un documental de alumnas de Ciencias da Comunicación reivindica a relevancia do local para a música de vangarda nos 80

19/06/2019
A discoteca Clangor. Foto do arquivo de El Correo Gallego.

A Sala Clangor foi un local de referencia en España durante os anos 80 por mor da súa modernidade e estética, así como pola súa aposta pola música de vangarda con actuacións dos grupos máis innovadores do momento. Este ano, varias alumnas da Facultade de Ciencias da Comunicación da USC rescatan este valor histórico por medio dun traballo de iniciativa APS, que combina aprendizaxe e servizo á comunidade.

O proxecto parte da materia Escritura Audiovisual, co obxectivo de realizar unha peza sobre o patrimonio inmaterial da cidade de Santiago de Compostela. O detonante foi un artigo enviado ás estudantes por Cibrán Tenreiro, membro do GEA que se ocupaba da parte práctica da materia, xunto ao tamén integrante do grupo e coordinador da mesma Enrique Castelló. Así, Arón Arias, Cristovo García, Zoe Ferreiros, Pablo Fariña, Antón Viqueira e Anxo Gómez decidiron investigar sobre Clangor e o seu papel na introdución da movida madrileña e a música británica da época en Compostela.

O traballo materializouse nun documental sobre a sala no que recollen os testemuños do artista Fernando Pereira, propietario e creador de Clangor; do produtor e profesor Suso Iglesias, participante activo na movida galega; e da académica María Fidalgo Casares, especialista na movida e con experiencias persoais ligadas ao local. O proxecto céntrase na análise do valor cultural da sala, na liña dos Estudos da Música Popular, sen entrar na polémica do atentado que sufriu por parte do Exército Guerrilheiro.

De tal xeito, a peza pon o foco nas orixes de Clangor, relatando a aposta pola música británica, a importancia de Radio 3 e os concertos emblemáticos que trouxo a Santiago, como Nacha Pop, the Godfathers ou Dr Feelgood. Trata, en última instancia, de reflectir aquilo que os seus autores chaman “Espíritu Clangor”. Algo que ten que ver cunha xeración, cunha actitude. Con ese intanxible que o converte en patrimio inmaterial da cidade.

MÁIS NOVAS
O xornalista Alfonso Alonso investiga xunto ao GEA as potencialidades de TikTok no panorama de medios estatais
O estudante remata a súa etapa como investigador grazas ao programa de axudas á investigación promovido pola USC e o Banco Santander
14/12/2021

Alfonso Alonso, xornalista especializado en Novas Tendencias en Produción, Xestión e Difusión de contidos, vén de rematar un proxecto de investigación sobre a importancia de TikTok como plataforma de difusión de contidos xornalísticos e de marketing en España no marco do Grupo de Estudos Audiovisuais. Entre os resultados das súas pescudas, destaca a crecente incorporación […]

Seguir lendo
Xa está dispoñible o monográfico da revista Quaderns del CAC adicado ao cinema, ficción audiovisual e diversidade lingüística
Investigadorxs do GEA participan con varios traballos
11/11/2021

Ven de saír publicado o número 47 da revista Quaderns del CAC, editada por el Consell de l’Audiovisual de Catalunya, e na que se oferta un monográfico sobre Cinema, ficción audivisual e diversidade lingüística, unha temática directamente relacionada coas liñas de traballo que ven desenvolvendo o Grupo de Estudos Audiovisuais (GEA) nos seus últimos proxectos […]

Seguir lendo
O CO(M)XÉNERO 5 reflexiona sobre a violencia sufrida polas mulleres e as súas prácticas de resistencia
A quinta edición do Seminario Permanente de Comunicación e Xénero decorrerá nos días 10 e 11 de novembro na Facultade de Ciencias da Comunicación
09/11/2021

A Facultade de Ciencias da Comunicación da Universidade de Santiago (USC) acolle, nos días 10 e 11 de novembro, o Seminario Permanente de Comunicación e Xénero CO(M)XÉNERO que, na súa quinta edición “Recuperar a fala, recuperar a alma”, pon o foco na violencia sufrida por mulleres e nas diversas prácticas de resistencia e autodefensa artelladas […]

Seguir lendo
© 2022 Estudos Audiovisuais