Actualidade
Novas e Axenda Bota un ollo á actividade do GEA

A revista 2i adica o seu primeiro número a “Literatura e Televisión: Novas narrativas | Ficcións transmedia”

O prazo de recepción de artigos estará aberto até o 31 de xaneiro de 2020

08/07/2019

Trala publicación do seu especial de lanzamento en 2019, 2i | Revista de Estudos de Identidade e Intermedialidade adicará o seu primeiro número a “Literatura e Televisión: Novas narrativas / ficcións transmedia”. A tal fin, está aberta a convocatoria para a publicación de artigos até o 31 de xaneiro de 2020. Acéptanse textos dun máximo de 7.000 palabras (incluíndo notas e referencias bibliográficas) en portugués, inglés, francés ou español. A publicación, substentada polo Centro de Estudos Humanísticos da Universidade do Minho e o Grupo 2i, estará editada por Xaquín Núñez e Daniel Tavares.

Literatura e Televisión

As relacións entre literatura e televisión estiveron presentes desde o nacemento do medio televisivo. Xa sexa como servizo público, entretemento ou plataforma de ficción narrativa, a televisión prestou unha especial atención á literatura, ben en relación á información e formación literarias, ben ás adaptacións dos clásicos ou como modelo narrativo de ficción serial.

A porosidade entre diferentes medios ampliouse, no entanto, nos últimos tempos. A revolución dixital expandiu global e masivamente os produtos culturais, propiciando unha grande hibridación entre as narrativas da ficción. O obxecto artístico transita por varios medios e formas e transfórmase, alén diso, a partir da experiencia co consumidor, creando ao tempo novos produtos transmedia.

Este fenómeno, tendo en conta a confluencia das industrias culturais coas industrias do lecer e os novos comportamentos do mercado da arte, propiciou unha ampliación do campo cultural, concedendo autonomía artística a produtos tradicionalmente secundarios ou postergados (videoxogos, banda deseñada, series audiovisuais…). Tal transformación motivou alteracións epistemolóxicas entre os estudos comparados, que transitaron dunha natureza intertextual cara a outra intermedial. A ficción televisiva constitúe un dos novos produtos de culto de maior impacto ao nivel de consumidores, crítica e teoría académicas. A grande complexidade e calidade fílmica e narrativa das series caracteriza esta Terceira Idade de Ouro da televisión.

O número 1 da Revista 2i pretende efectuar, polo tanto, unha revisión crítica e teórica das novas narrativas, televisivas e literarias, e das relacións entre ambas, das formas de produción, divulgación e consumo, do contributo da literatura na conquista da autonomía cultural da ficción televisiva ou das condicións de reforzo da profesionalización dos creadores, tendo en conta o potencial económico da industria do lecer.

Principais liñas temáticas:

  • Adaptacións dos clásicos literarios na ficción televisiva
  • Narrativas intermediais entre o texto literario e o produto audiovisual: multimedialidade, remedialidade, transmedialidade
  • O guión televisivo como produto literario
  • Mitos e figuras da ficción nos medios literario e televisivo
  • Contribución da industria televisiva para a profesionalización do creador (guionista, escritor, dramaturgo)
  • Información e formación literarias na televisión
  • Universos ficcionais transmediais: literatura, televisión, cinema, videoxogos…
  • Novas literarias transmedia: escola, televisión pública, bibliotecas…

+ info.

MÁIS NOVAS
Roi Méndez e Rocío del Pilar Sosa presentan The White Book for teaching through virtual TV sets
A comunicación na Open Universiteit tivo lugar o 8 de marzo.
14/03/2024

A conferencia Cloudclass: Innovative teaching with virtual studio technology tivo lugar o pasado 8 de marzo de 2024 na Open Universiteit (Heerlen). Educadores, expertos técnicos e estudantes reuníronse coa fin de afondar no ámbito da tecnoloxía inmersiva e nas súas aplicacións na educación. O evento, que marcou a culminación do proxecto CloudClass: Low Cost, Mobile, […]

Seguir lendo
Margarita Ledo Andión recibe o XII Premio de Igualdade “Ernestina Otero” 
A Catedrática recollerá este recoñecemento o vindeiro venres 15 de marzo.
07/03/2024

O Concello de Vigo e o Consello Municipal da Muller entregarán o Premio de lgualdade ”Ernestina Otero” á Catedrática emérita e membro do Grupo de Estudos Audiovisuais, Margarita Ledo Andión. A entrega do premio honorífico realizarase no transcurso dunha gala que terá lugar o venres 15 de marzo ás 20:00 horas no salón de recepcións […]

Seguir lendo
Aberta a inscrición para a décima edición do CO(M)XÉNERO. Imaxes do delito.
O seminario terá lugar nos días 8 e 9 de abril na Facultade de Cc. da Comunicación.
26/02/2024

Os días 8 e 9 de abril de 2024, a décima edición do CO(M)XÉNERO, organizada polo Grupo de Estudos Audiovisuais (GEA), aborda as prácticas fotográficas feministas, os espazos nos que se producen, as posicións dende as que se enuncian e os seus mecanismos de visibilización. Pilar Aymerich, Premio Nacional de Fotografía 2021, capturou coa súa […]

Seguir lendo
© 2024 Estudos Audiovisuais