Actualidade
Novas e Axenda Bota un ollo á actividade do GEA

A Cuarta Parede celebra a efeméride fundacional do cinema galego con “Cinegalicia 2019”

Os membros do GEA Brais Romero e Cibrán Tenreiro participan neste proxecto de revisión artística

18/09/2019

Dende a web de A Cuarta Parede anunciaban a pasada semana o seu novo proxecto: Cinegalicia 2019. Esta é a forma na que a primeira revista online de crítica cinematográfica en galego vai celebrar a estrea de tres filmes que marcaron en 1989 a consolidación do cinema galego: Urxa, Continental e Sempre Xonxa. Máis dunha vintena de creadoras e creadores nadas despois desa data reinterpretarán os filmes desde a súa perspectiva e mediante diferentes manifestacións artísticas.

Roberta Vázquez, Laura Ramos, Sara Donoso, Adrián Canoura, Elba Souto, Julia Huete, Jesús Silva, Lara e Noa Castro, Oh Ayatollah, Montse Piñeiro, Anxo F. Couceiro, Iria Silvosa, Charles Rapante, Pepa Prieto Puy, Clara Coira, Camila Viéitez, Andrés Sanjurjo. E por último, pero non menos importante, os integrantes do GEA Cibrán Tenreiro e Brais Romero. Estas artistas non pretenden declararse como a voz da súa xeración, segundo afirman, mais admiten que esta escolma de traballos poden rematar por presentar algúns trazos comúns na súa visión da realidade.

As creadoras son especialmente conscientes das transformacións que os distancian do Cinegalicia orixinal. A democraticación tecnolóxica posibilitou nos 30 anos transcorridos unha accesibilidade á creación audiovisual que a equipara a outras disciplinas como a pintura ou a escrita. Grazas a iso, consideran que “hoxe esa especie de xerarquización dos formatos parece superada e o cine galego é, por sorte, máis rico porque hai nel máis cines posibles, do industrial ao doméstico”.

De tal xeito, revisarán as obras coa aparición de novos intereses, espazos e personaxes, abordados con novas ideas estéticas e cun cambio fundamental: “xa non só son señores os que dirixen e hai hoxe algo máis de consciencia sobre a pobreza dunha arte que só reflicta a mirada masculina”. Cineagalicia 2019 nace, en definitiva, cunha vontade de diálogo con tres filmes fundamentais na historia do noso cinema, tanto dende a creación e como dende a análise:

“É atopar conexións que xa existen, establecer outras novas, encher ocos que quedaron por encher e abrir camiños que poidamos camiñar, se cadra coa vontade de que a cultura galega se pareza a nós, ou a unha versión mellor diso mesmo. E aquí nós significa, probablemente, Galicia, pero dicilo ten unha épica que non é moi da nosa xeración”.

MÁIS NOVAS
O xornalista Alfonso Alonso investiga xunto ao GEA as potencialidades de TikTok no panorama de medios estatais
O estudante remata a súa etapa como investigador grazas ao programa de axudas á investigación promovido pola USC e o Banco Santander
14/12/2021

Alfonso Alonso, xornalista especializado en Novas Tendencias en Produción, Xestión e Difusión de contidos, vén de rematar un proxecto de investigación sobre a importancia de TikTok como plataforma de difusión de contidos xornalísticos e de marketing en España no marco do Grupo de Estudos Audiovisuais. Entre os resultados das súas pescudas, destaca a crecente incorporación […]

Seguir lendo
Xa está dispoñible o monográfico da revista Quaderns del CAC adicado ao cinema, ficción audiovisual e diversidade lingüística
Investigadorxs do GEA participan con varios traballos
11/11/2021

Ven de saír publicado o número 47 da revista Quaderns del CAC, editada por el Consell de l’Audiovisual de Catalunya, e na que se oferta un monográfico sobre Cinema, ficción audivisual e diversidade lingüística, unha temática directamente relacionada coas liñas de traballo que ven desenvolvendo o Grupo de Estudos Audiovisuais (GEA) nos seus últimos proxectos […]

Seguir lendo
O CO(M)XÉNERO 5 reflexiona sobre a violencia sufrida polas mulleres e as súas prácticas de resistencia
A quinta edición do Seminario Permanente de Comunicación e Xénero decorrerá nos días 10 e 11 de novembro na Facultade de Ciencias da Comunicación
09/11/2021

A Facultade de Ciencias da Comunicación da Universidade de Santiago (USC) acolle, nos días 10 e 11 de novembro, o Seminario Permanente de Comunicación e Xénero CO(M)XÉNERO que, na súa quinta edición “Recuperar a fala, recuperar a alma”, pon o foco na violencia sufrida por mulleres e nas diversas prácticas de resistencia e autodefensa artelladas […]

Seguir lendo
© 2022 Estudos Audiovisuais