XXIV Premio Xornalístico Manuel Reimóndez Portela
O prazo está aberto até o 6 de setembro para traballos publicados antes do 30 de agosto de 2019
A Fundación de Exposicións e Congresos da Estrada, o Concello da Estrada e a Deputación de Pontevedra, convocan o vixésimo cuarto Premio Xornalístico Manuel Reimóndez Portela, un galardón que se outorga ao mellor traballo ou serie de traballos xornalísticos (ata un máximo de cinco) publicados en lingua galega en calquera medio de comunicación.
A última edición recoñeceu un artigo do integrante do Grupo de Estudos Audiovisuais Fernando Redondo Neira, publicado na revista Tempos Novos, no que, baixo o título Derivas e encrucilladas do novo cinema galego, o xornalista e investigador divulga unha das nosas liñas de investigación:
«Namentres aquel sector do audiovisual que se percibe a sí propio como industria se mantén nun terreo reducido, que dificilmente se encamiña por un percorrido escaso de produción televisiva, hai outro cine máis pequeno pero máis ambicioso no estético. Un cine máis libre e arriscado pero que chega máis lonxe con menos, co paradoxo de que, certamente, tamén presenta serias dificultades para conquerir unha masa crítica que lle permita subir algún chanzo máis».
Poden optar ao premio, cunha dotación económica de 1.000 euros, os traballos publicados até o 30 de agosto de 2019. O prazo de recepción remata o 6 de setembro, mes durante o cal se dará a coñecer a decisión do xurado. O galardón entregarase na XXXII edición da Feira do Moble de Galicia.
Tanto as propias autoras como calquera lectora poderán enviar un exemplar dos traballos publicados, no que conste a data de publicación, a autora e o medio, á sede da Fundación de Exposicións e Congresos da Estrada ou ao enderezo electrónico fecae@feiradomoble.com.
+ info nas bases do premio.
A Escola Superior de Artes Media e Deseño (ESMAD), do Instituto Politécnico do Porto (P. PORTO), lanza o Premio John Goto ESMAD, P. PORTO, en homenaxe ao artista fotógrafo John Goto, cuxo traballo innovador contribuíu para a reformulación da fotografía como medio de comentario social e crítica cultural. Poden aplicar ao mesmo o estudantado de […]
O Repertorio da Radio Galega da Emigración está dispoñible para consulta en sala na biblioteca da Facultade de Ciencias da Comunicación da Universidade de Santiago de Compostela. Un catálogo histórico das actividades radiofónicas realizadas e protagonizadas polos emigrantes galegos fundamentalmente en América e Europa, pero tamén noutros destinos menos frecuentes con presenza galega. Cronoloxicamente abrangue desde […]
A oitava edición dos Premios María Luz Morales de Ensaio e Vídeoensaio sobre o Audiovisual está en marcha. Os Premios María Luz Morales de Ensaio e Vídeoensaio sobre o Audiovisual son unha iniciativa que busca impulsar a produción académica relacionada co ámbito audiovisual. E estimularon a produción de 179 traballos de investigación en materia audiovisual desde a súa […]