A Asociación de Directores Realizadores de Galicia (CREA) entregou o pasado venres os seus premios, que teñen como obxectivo recoñeceren publicamente, por parte das propias integrantes de CREA, aquelas colegas que destaquen nas distintas facetas da dirección audiovisual. A edición deste 2019 deixou once premiadas e dúas mencións especiais.
Os profesionais recoñeceron Carlos Sedes como mellor dirección de serie de TV por Instinto e Raúl García como mellor programa por Cos pés na terra. A mellor dirección de longametraxe de ficción foi para Xacio Baño por Trote, mentres o recoñecemento análogo para o documental recaeu en Belén Montero e Juan Lesta por Versogramas. No eido das curtametraxes, os premios leváronos os directores Juan Galiñanes polo documental Mariñeiro e Dani Viqueira pola peza de ficción Limbo. A categoría de obra experimental galardoou Alexandre Cancelo e Berio Molina por 7 Limbos.
Os espazos dixitais tamén tiveron o seu premio, que recaeu na directora do Carballo Interplay Sonia Méndez pola webserie para Playz Antes de Perder. Óscar Pardo e Noemi Chantada compartiron o recoñecemento ao mellor spot por “Santiago, cidade de cine” con “Ti”, de Juan Galiñanes. A mellor dirección de videoclip mereceuna Manu Viqueira por “Ahora o nunca”, traballo para o grupo La Pegatina.
Outorgáronse ademais dúas mencións especiais: unha á promoción da igualdade de xénero para o proxecto de YouTube Teño unha horta en San Sadurniño e outra á internacionalización do cinema galego para Oliver Laxe por O que arde.
Os días 6 e 7 de novembro de 2024 celebrarase a décimo primeira edición do CO(M)XÉNERO, organizada polo Grupo de Estudos Audiovisuais (GEA), na que se afondará no rol esencial das mulleres nos oficios do cinema que en ocasións son considerados á marxe, na súa constitución como figuras versátiles e polifacéticas e no mantemento do seu empeño creativo dende […]
“Unha arca entre Peixes e Pantasmas. Novas Olladas á costa galega” conformouse como peche da 2ª edición do obradoiro de fotografía documental títulado Novas olladas á costa galega. O proxecto, impulsado polo Grupo de Estudos Audiovisuais da Universidade de Santiago de Compostela xunto co colectivo fotográfico Ollo, rematou coa realización dun curso de fotografía documental […]
A Escola Superior de Artes Media e Deseño (ESMAD), do Instituto Politécnico do Porto (P. PORTO), lanza o Premio John Goto ESMAD, P. PORTO, en homenaxe ao artista fotógrafo John Goto, cuxo traballo innovador contribuíu para a reformulación da fotografía como medio de comentario social e crítica cultural. Poden aplicar ao mesmo o estudantado de […]