XII edición do Día Mundial da Radio na Facultade de Ciencias da Comunicación
A A.C.P Ponte…nas ondas! organiza este 13 de febreiro entre a Fac. de Comunicación da USC e a Reitoría da Universidade de Vigo
O Consello Executivo da UNESCO recomendou á Conferencia Xeral no ano 2011, que se proclamase como Día Mundial da Radio o 13 de febreiro, atendendo a unha proposta da Delegación de España nese organismo.
Dado que a asociación A.C.P Ponte…nas ondas! leva traballando no mundo da radio, na súa vertente escolar, dende o ano 1995, sumámonos a esta efeméride e propomos que as escolas celebren esta data para difundir así o modelo de Ponte…nas ondas! recoñecido pola UNESCO: educación, comunicación e patrimonio.
Centos de nenos e nenas desprazaranse, uns aos estudios de radio montados a tal efecto no Edificio do Reitorado da Universidade de Vigo e na Facultade de Ciencias da Comunicación en Compostela e outros ás Radio profesionais como Radio Tui, Radio Allariz, Radio As Nogais, Radio Burela ou a Radio Afifense en Portugal.
As escolas que non teñen posibilidade de acudir a algunha emisora participarán eleborando podcast que serán dados a coñecer na mañá do día da celebración.
Os días 10 e 11 de novembro a Facultade de Comunicación acollerá a decimoterceira edición do seminario CO(M)xénero, este ano titulada “Erro inesperado. Artesás e sintéticas contra as violencias na imaxe pública”. A inscrición xa está aberta, a participación é de balde ate completar aforo e a asistencia ó seminario é unha actividade recoñecida para […]
A aprobación da Lei Xeral do Audiovisual en 2022 actualizou o marco normativo español en materia audiovisual, abordando algúns dos retos presentados por axentes como as plataformas de streaming pero deixando abertos algúns outros no relativo á protección da diversidade. O proxecto LEXCAV, financiado polo Programa Estatal de I+D+i Orientada a los Retos de la Sociedad e desenvolvido polo Grupo Estudos Audiovisuais, ten realizado nos […]
O Teatro Colón da Coruña foi o escenario este venres da V Gala da Cultura, unha cita na que a Deputación da Coruña reuniu 19 persoas premiadas en 13 categorías. O evento, presentado pola xornalista Susana Pedreira e o actor e músico Xoán Fórneas, contou coa actuación de Caamaño & Ameixeira e cunha destacada presenza […]