Actualidade
Novas e Axenda Bota un ollo á actividade do GEA

Llorenç Soler: M’agrada pensar que sóc un amateur de tot el que faig

09/11/2022

Seducido polas moitas realidades que acubilla a cidade, Llorenç Soler filma en 1976 o Primeiro Seminario de Arquitectura de Compostela (1976), de carácter descritivo e, en paralelo, unha peza de montaxe radical na forma e na denuncia: Antisalmo.  Dende  entón Galiza fai parte dos seus materiais e serán as mediametraxes Gitanos sin romancero (1976), Autopista: una navallada a nosa terra (1977), Condenados a beber (1978) e O monte é noso (1978) os que unha e outra vez nos lembren que o cinema  en lingua galega ten historia, que o cinema militante non tolleita a expresión persoal, que o sistema  cooperativo de produción, usar un dispositivo versátil  ou a confrontación co cine-industria vén de lonxe. Llorenç Soler transitou diferentes paisaxes e sistemas e o seu traballo  para circuítos de gran público, para televisión,  danlle ese arume de profesional de fondo que  despois de advertir que dende o comén  fixo unha opción social, cultural e histórica a prol do documental, quen a escoller que saiba que non trae canda ela o sucedo mais terma da emoción, do encontro ca vida.

A nivel docente, outra das súas vertentes máis frutíferas, participará no posgrao sobre documental da Facultade de Ciencias da Comunicación  en 1996-1997,  experiencia pioneira da que resulta un precioso filme, Pegadas, en coautoría con  alumnos e alumnas e co-producido pola TVG, para alén dunha videoinstalación, Oh,Santiago!, na capela do Colexio Fonseca como contrapunto hiperreal  para a  exposición fotográfica de Anna Turbau  Santiago, pequena historia natural, producida pola USC en 1993 e que eu mesma coordinei.  Aló, en 1982, nunha súa autobiografía esvae un verso de quen foi premio Esquío de poesía: amé de  amor de signo y de protesta.  Canda el partiu nese cabalo alado que nos leva dunha beira a outra. Abur, Llorenç.

MLA

MÁIS NOVAS
Aberto o prazo de inscrición para Novas olladas á costa galega (2ª ed.)
Este obradoiro de fotografía documental co Colectivo Ollo terá lugar os vindeiros 6 e 7 de xullo en Noia
15/05/2024

Os vindeiros 6 e 7 de xullo na Sociedade Liceo de Noia (Noia) e baixo a dirección de Mª Soliña Barreiro González e Jennifer Novoa Domínguez, terá lugar a 2ª edición deste obradoiro de fotografía documental organizado polo Grupo de Estudos Audiovisuais e o colectivo fotográfico Ollo. Constará de 16 horas lectivas cun límite de asistencia de 25 persoas. […]

Seguir lendo
Margarita Ledo Andión participa nas xornadas “50 anos do 25 de abril”
A Catedrática emérita do GEA estará presente no coloquio: "O 25 de abril do outro lado do Miño" na Facultade de Filoloxía da USC
12/04/2024

A Revolución dos Caraveis, o levantamento militar do 25 de abril de 1974 en Portugal, denominado en portugués Revolução dos Cravos, derrubou nun día o réxime político ditatorial que existía no país veciño desde 1926. As cinco xornadas que compoñen o programa das xornadas que conmemoran os 50 anos deste feito histórico, desenvolveranse desde o […]

Seguir lendo
30 aniversario da AGAPI
A segunda xornada terá lugar o mércores 17 de abril na Facultade de Ciencias da Comunicación da USC
12/04/2024

Neste 2024 AGAPI celebra o seu 30 aniversario e unha das accións que vai levar adiante é a celebración dunhas xornadas formativas itinerantes polas tres universidades galegas nas facultades de Ciencias da Información dentro do Grao de Comunicación Audiovisual da Universidade de Santiago de Compostela (USC), Universidade de Vigo (UVIgo) e Universidade da Coruña (UDC). […]

Seguir lendo
© 2024 Estudos Audiovisuais