O vindeiro 25 de abril remata o prazo de presentación de comunicacións á VI Xornada Universitaria Galega en Xénero, organizada polas unidades de igualdade de xénero das tres universidades galegas, que terá lugar o 14 de xuño na Coruña. Baixo o lema (RE)CONSTRUÍNDO O COÑECEMENTO, a sexta edición centrarase na necesidade das investigacións feministas e de xénero, así como na práctica docente como medio idóneo para a transmisión de valores igualitarios. Como en edicións anteriores, a convocatoria está aberta ao persoal investigador en formación, procurando establecer un punto de encontro e reflexión para o persoal docente e investigador que traballa con perspectiva de xénero.
A presentación de propostas lévase a cabo mediante o envío da comunicación completa aos seguintes enderezos electrónicos, segundo a área temática:
- Mulleres, ciencia, universidade (oficina.igualdade@udc.es)
- Perspectiva de xénero na docencia universitaria (oix@usc.es)
- Violencia(s) cara ás mulleres (igualdade@uvigo.es)
Realizarase unha publicación dos traballos presentados e defendidos (de forma oral ou na sesión póster) que disporá de ISBN.
+info. en www.usc.gal/oix
A Comisión de Normalización Lingüística da Facultade de Ciencias da Comunicación da USC convoca a oitava edición do certame Somos a curta!, que premia a mellor peza audiovisual curta en galego de cinema do real presentada por calquera integrante(s) do alumnado das universidades galegas, das titulacións impartidas nas escolas oficiais de Imaxe e Son ou […]
Son tempos complicados para o sector audiovisual, segundo conclúe o informe “O cine en Galicia”, ao térense rexistrado no cinema tradicional tanto unha perda de espectadores como de recadación. No último ano, seguindo a tendencia estatal, Galiza perdeu máis de 100.000 espectadores, rexistrando unha baixada dunha décima na asistencia media, para situarse en 1,4 filmes […]
Trala publicación do seu especial de lanzamento en 2019, 2i | Revista de Estudos de Identidade e Intermedialidade adicará o seu primeiro número a “Literatura e Televisión: Novas narrativas / ficcións transmedia”. A tal fin, está aberta a convocatoria para a publicación de artigos até o 31 de xaneiro de 2020. Acéptanse textos dun máximo […]