Actualidade
Novas e Axenda Bota un ollo á actividade do GEA

Última chamada para o envío de propostas á 12ª ed. do congreso internacional Small Cinemas

O prazo para a recepción de resumos remata o 10 de xuño.

03/06/2021

O Grupo de Estudos Audiovisuais da USC é o encargado de organizar a 12ª edición do congreso internacional Small Cinemas, un encontro itinerante de carácter anual que congrega investigadoras e investigadores de todo o mundo referentes no estudo dos denominados pequenos cinemas, cinematografías de países e culturas con linguas minorizadas, nacións sen estado ou entidades políticas con estatutos singulares. O evento celebrarase na Facultade de Ciencias da Comunicación de Santiago de Compostela, do 28 ao 30 de outubro de 2021.

Baixo o título Do celuloide ao streaming: conservación e circulación dos pequenos cinemas, a nova edición do congreso pon o foco nas singulares transformacións da circulación e difusión dos filmes desde a chegada do streaming e a súa repercusión en cinematografías cun problema endémico de visibilidade. Ao tempo, aborda a conservación das obras producidas por estes cinemas nos
arquivos e fondos cinematográficos como unha vía indispensable para a defensa e promoción do patrimonio e a diversidade culturais.

O prazo para a recepción de comunicacións está aberto até o 10 de xuño.

»Máis información

MÁIS NOVAS
Aberto o prazo de inscrición para Novas olladas á costa galega (2ª ed.)
Este obradoiro de fotografía documental co Colectivo Ollo terá lugar os vindeiros 6 e 7 de xullo en Noia
15/05/2024

Os vindeiros 6 e 7 de xullo na Sociedade Liceo de Noia (Noia) e baixo a dirección de Mª Soliña Barreiro González e Jennifer Novoa Domínguez, terá lugar a 2ª edición deste obradoiro de fotografía documental organizado polo Grupo de Estudos Audiovisuais e o colectivo fotográfico Ollo. Constará de 16 horas lectivas cun límite de asistencia de 25 persoas. […]

Seguir lendo
Margarita Ledo Andión participa nas xornadas “50 anos do 25 de abril”
A Catedrática emérita do GEA estará presente no coloquio: "O 25 de abril do outro lado do Miño" na Facultade de Filoloxía da USC
12/04/2024

A Revolución dos Caraveis, o levantamento militar do 25 de abril de 1974 en Portugal, denominado en portugués Revolução dos Cravos, derrubou nun día o réxime político ditatorial que existía no país veciño desde 1926. As cinco xornadas que compoñen o programa das xornadas que conmemoran os 50 anos deste feito histórico, desenvolveranse desde o […]

Seguir lendo
30 aniversario da AGAPI
A segunda xornada terá lugar o mércores 17 de abril na Facultade de Ciencias da Comunicación da USC
12/04/2024

Neste 2024 AGAPI celebra o seu 30 aniversario e unha das accións que vai levar adiante é a celebración dunhas xornadas formativas itinerantes polas tres universidades galegas nas facultades de Ciencias da Información dentro do Grao de Comunicación Audiovisual da Universidade de Santiago de Compostela (USC), Universidade de Vigo (UVIgo) e Universidade da Coruña (UDC). […]

Seguir lendo
© 2024 Estudos Audiovisuais