Seminario ‘Itinerarios Culturais e Contornas Inmersivas. Fronteiras para a Innovación Tecnolóxica, Psicoambiental e Turístico-Patrimonial’
O GEA participa na organización do seminario 'Itinerarios Culturais e Contornas Inmersivas. Fronteiras para a Innovación Tecnolóxica, Psicoambiental e Turístico-Patrimonial', que terá lugar o luns 24 de novembro.
Nun contexto de crecente dixitalización e demanda por experiencias máis inmersivas, o turismo cultural atópase ante a oportunidade de integrar tecnoloxías emerxentes e realidade virtual para enriquecer os seus itinerarios. Incorporando elementos lúdicos, psicolóxicos, educativos e de participación, estes novos modelos atraen a públicos novos, presentando un alto potencial para transformar a experiencia turística e a súa relación e interpretación co patrimonio.
Desta premisa parte unha proposta de investigación interdisciplinar na USC que se presentará o vindeiro luns 24 de novembro na Facultade de Xeografía e Historia: “Itinerarios Culturais e Contornas Inmersivas. Fronteiras para a Innovación Tecnolóxica, Psicoambiental e Turístico-Patrimonial”. A conversa xirará arredor do fusionamento do patrimonio territorial e as contornas virtuais, co obxectivo de explorar e avaliar o uso das tecnoloxías inmersivas e as súas posibilidades como ferramenta innovadora para o deseño, a comunicación, a promoción e a difusión de Itinerarios Culturais Virtuais (ICV), con énfase no seu impacto experiencial e comunicativo.
O seminario será presentado pola secretaria do departamento de Xeografía, María de los Ángeles Piñeiro, e nel intervirán os principais investigadores: a directora do Centro de Estudos e Investigacións Turísticas (CETUR) e investigadora do Grupo de Análise Territorial (ANTE), Lucrezia López; o director técnico de VIRTUS (Plataforma para a Investigación Virtual da USC) e membro do GEA, Roi Méndez; e a coordinadora do grupo de investigación ULTRAMAR da USC, María del Mar Durán.
Pola tarde e tralas conferencias, realizarase un workshop sobre platós virtuais e experiencias inmersivas na Facultade de Ciencias da Comunicación. A inscrición para asistir ao seminario realizarase na seguinte ligazón:
https://forms.cloud.microsoft/e/mCknCBwTFm?origin=lprLink
A aprobación da Lei Xeral do Audiovisual en 2022 actualizou o marco normativo español en materia audiovisual, abordando algúns dos retos presentados por axentes como as plataformas de streaming pero deixando abertos algúns outros no relativo á protección da diversidade. O proxecto LEXCAV, financiado polo Programa Estatal de I+D+i Orientada a los Retos de la Sociedad e desenvolvido polo Grupo Estudos Audiovisuais, ten realizado nos […]
O Teatro Colón da Coruña foi o escenario este venres da V Gala da Cultura, unha cita na que a Deputación da Coruña reuniu 19 persoas premiadas en 13 categorías. O evento, presentado pola xornalista Susana Pedreira e o actor e músico Xoán Fórneas, contou coa actuación de Caamaño & Ameixeira e cunha destacada presenza […]
O venres pasado, 17 de abril, Rocío del Pilar Sosa Fernández, membro do GEA, presentou a comunicación Accessibility and Efficiency in Virtual Production: A TAM-Based Comparison of Luma AI (NeRFs) and Smartphone LiDAR no marco da conferencia 2026 SJTU-IAMCR Emerging Media Conference: Creative Communication and Empowerment. Devandito evento foi organizado pola International Association for Media […]