Actualidade
Novas e Axenda Bota un ollo á actividade do GEA

O VIII Primavera do Cine proxectará 10 longametraxes galegas e lusófonas

O festival terá lugar en Vigo do 30 de abril ao 5 de maio

24/04/2019

Desde o 30 de abril e até o 5 de maio o Festival Primavera do Cine darán comezo ás proxeccións da sección oficial cun total de 44 obras, 10 delas longametraxes. Abrirá a oitava edición do certame No intenso agora de João Moreira Salles, un ensaio documental que, a través de diferentes imaxes de arquivo, fala dos eventos de maio do 68 en París, a Primavera de Praga e a Chinesa comunista de Mao.

Entre as obras galegas escollidas destacan Trote, primeira longametraxe de Xacio Baño, que vén de colleitar numerosos éxitos e ser exhibida en varios festivais internacionais (Locarno, San Sebastián ou Suíza), así como Os fillos da Vide, tamén unha ópera prima de Ana Domínguez, premio ao mellor filme galego na Mostra Internacional de Cinema Etnográfico do Museo do Pobo Galego. O resto da sección oficial de longametraxes galegas completarase con Gallo, de Antonio Díaz Huerta e La felicidad de los perros de David Hernández.

Entre as longametraxes lusófonas en competición atópanse Deslembro, un filme de tintes autobiográficos da directora Flávia F. Castro; Alva, primeira longametraxe de Ico Costa, Ferrugem do brasileiro Aly Muritiba, Premio da Industria Cine en Construcción 2017 no Festival de San Sebastián; Extinção, de Salomé Lamas documental gañador do Premio Nuevas Olas – No ficción do Festival de Cine de Sevilla 2018; e Chuva é cantoria na aldeia dos mortos, de João Salaviza e Renée Nader Messora, premio Especial do Xurado no Festival de Cannes 2018.

O Primavera do Cine tamén someterá a concurso 9 curtametraxes galegas e 12 lusófonas, 13 curtametraxes de animación e 19 videoclips. A sección oficial comeza trala retrospectiva Viva Cuba que, entre o 22 e o 25 de abril, explora a evolución política do país e a súa historia cinematográfica con filmes como Now!, de Santiago Álvarez; Soy Cuba, do soviético Mikhail Kalazotov; Lucía de Humberto Solás; Clandestinos de Fernando Pérez e Fresa y chocolate, de Tomás Gutiérrez Alea e Juan Carlos Tabio.

Ademais, Manolo González recibirá a mención honorífica deste certame, promovido por Reencanto Producións co apoio do Concello de Vigo, a Xunta, a Deputación de Pontevedra, o Instituto Camões e Afundación de Abanca.

MÁIS NOVAS
O GEA participa na reunión con Nestor Rego para valorar a situación da Lei do Audiovisual
Profesionais de distintos ámbitos do sector trasladaron as súas posicións ao deputado do BNG
20/06/2022

Este luns 20 de xuño tivo lugar na Facultade de Ciencias da Comunicación da USC un encontro co deputado do BNG, Nestor Rego, para facer un balance do escenario que se formula para o sector coa aprobación da Lei do Audiovisual. Ao encontro asistiron representantes de varias das entidades que forman a Iniciativa polo audiovisual en […]

Seguir lendo
Agapi organiza a xornada “Marco xurídico do sector audiovisual: retos de futuro”
A actividade celebrarase o 1 de xullo no Auditorio 1 do Edificio CINC da Cidade da Cultura
17/06/2022

Agapi (Asociación Galega de Produtoras Independentes) organiza o vindeiro día 1 de xullo unhas xornadas de formación presencial dedicadas a analizar aspectos xurídicos da produción audiovisual. O desenvolvemento da xornada terá lugar no Auditorio 1 do Edificio CINC da Cidade da Cultura de Galicia, en Santiago de Compostela. Baixo o título: Marco xurídico do sector […]

Seguir lendo
A doutoranda do GEA, Sara Calvete, finalista do concurso ‘Three Minute Thesis’ (3MT®)
A final do certame organizado pola EDIUS celebrarase o 27 de xuño na Nave de Vidán
15/06/2022

A USC, a través da súa Escola de Doutoramento Internacional (EDIUS), puxo este ano en marcha a primeira edición do Three Minute Thesis (3MT®), un concurso de comunicación para investigadores e investigadoras de todas as áreas do coñecemento. A doutoranda do GEA, Sara Calvete Lorenzo, é unha das finalistas do certame co vídeo no que […]

Seguir lendo
© 2022 Estudos Audiovisuais