O I+D+i sobre o cinema español de posguerra participa a próxima semana no XVI Congreso Internacional da Asociación Española de Semiótica
Os días 4, 5, e 6 de novembro celebrarase en Bilbao o XVI Congreso Internacional da Asociación Española de Semiótica e V Congreso Internacional do Departamento de Comunicación Audiovisual e Publicidade da UPV/EHU, co título Historias do presente. Do documento ao documental. Dentro das sesións programadas, o Profesor José Luis Castro de Paz, Investigador Principal do I+D+i Cara a unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648, Plan Nacional de I+D+i 2013-2015, Mineco – Goberno de España), presentará a comunicación El análisis textual y la historiografía del cine español, na que ofrecerá unha reflexión acerca da importancia do emprego de certos mecanismos de análise fílmica por parte das novas correntes historiográficas do cinema español, das que o devandito Proxecto é boa mostra. A participación no Congreso dá continuidade a unha dilatada produción científica xerada desde fai case tres anos, iniciando así os últimos actos de difusión de resultados previstos polo Proxecto, que finalizará nos próximos meses.
Este luns 20 de xuño tivo lugar na Facultade de Ciencias da Comunicación da USC un encontro co deputado do BNG, Nestor Rego, para facer un balance do escenario que se formula para o sector coa aprobación da Lei do Audiovisual. Ao encontro asistiron representantes de varias das entidades que forman a Iniciativa polo audiovisual en […]
Agapi (Asociación Galega de Produtoras Independentes) organiza o vindeiro día 1 de xullo unhas xornadas de formación presencial dedicadas a analizar aspectos xurídicos da produción audiovisual. O desenvolvemento da xornada terá lugar no Auditorio 1 do Edificio CINC da Cidade da Cultura de Galicia, en Santiago de Compostela. Baixo o título: Marco xurídico do sector […]
A USC, a través da súa Escola de Doutoramento Internacional (EDIUS), puxo este ano en marcha a primeira edición do Three Minute Thesis (3MT®), un concurso de comunicación para investigadores e investigadoras de todas as áreas do coñecemento. A doutoranda do GEA, Sara Calvete Lorenzo, é unha das finalistas do certame co vídeo no que […]