Actualidade
Novas e Axenda Bota un ollo á actividade do GEA

O I+D+i sobre o cinema español de posguerra presenta un voluminoso libro-CD coa análise de máis de cento corenta películas

25/10/2015

Despois de tres anos de investigación, o Proxecto de I+D+i Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648, Plan Nacional de I+D+i 2013-2015, Mineco – Goberno de España) presenta o libro-CD Modos de representación no cinema español (1939-1962) a partir da impronta de Wenceslao Fernández Flórez. Exemplos de análise, editado por Vía Láctea, co apoio da Fundación Wenceslao Fernández Flórez, e que constitúe unha investigación completa das películas españolas do período 1939-1962, a través da análise histórica-fílmica dos dispositivos semánticos e formais máis destacados dun gran número de películas, seleccionadas tanto polo seu interese narrativo e formal, como pola decisiva importancia da súa recepción espectatorial.
Trátase dunha obra coordinada por José Luis Castro de Paz e Natalia Alonso Ramos, estructurada en torno a numerosas fichas fílmicas dispostas como exemplos de aproximación ao vasto obxecto de estudo e desenvolvidas polos investigadores que compoñen o equipo de traballo. En xeral, a análise de 142 películas –entre as que se inclúen tanto obras célebres do cinema español como pezas pouco abordadas ata o de agora pero de fonda significación– congrega a obra de cincuenta directores. Ademais, o libro-CD complétase cunha ampla introdución que ofrece unha perspectiva de conxunto sobre a evolución fílmica no marco histórico que abrangue a investigación, así como unha reflexión coidadosa sobre o pouco explorado cine amateur español, e un estudo da curtametraxe Tragedia muy muy íntima, realizada en 1951 por José María Zabalza como memoria de prácticas do Instituto de Investigación e Experiencias Cinematográficas, sobre unha idea orixinal de Wenceslao Fernández Flórez.
Malia que aínda faltan por difundirse algúns traballos específicos de vindeira publicación, o libro–CD Modos de representación no cinema español (1939-1962) a partir da impronta de Wenceslao Fernández Flórez. Exemplos de análise vén a consumar a extensa produción científica xerada polo proxecto, o que deu lugar a máis de medio centenar de publicacións –libros, capítulos de obras colectivas, artículos en revistas especializadas, actas de congresos…– así como numerosas colaboracións en eventos científicos – congresos, mesas temáticas, conferencias…– entre as que destaca a organización do Simposio Internacional Costumismo, humor, melancolía e reflexividade: impronta de Wenceslao Fernández Flórez no cinema español. As preto de mil páxinas que agora se presentan reflicten, polo tanto, a intensa labor realizada durante os últimos tres anos polo equipo que conforma o proxecto, amparada no caso dalgúns dos seus membros por máis de dúas décadas de traballo enfocadas no estudo do cinema español.

MÁIS NOVAS
De illas e sereas, entre os máis vendidos da Libraría NUMAX
22/12/2020

O terceiro volume da serie Para unha historia do cinema en lingua galega, editado polo Grupo de Estudos Audiovisuais e a Editorial Galaxia, está a ter unha moi boa acollida. Os datos da Libraría NUMAX, un dos espazos de referencia en Galicia para a literatura sobre cinema, sitúan neste momento De illas e sereas entre […]

Seguir lendo
Aberto o call for papers da revista Galicia 21
A monografía leva por título “Modos de ver e ser vistas. As mulleres que coñezo no cinema galego”
15/12/2020

A monografía Modos de ver e ser vistas. As mulleres que coñezo no cinema galego propón unha serie de suxestións para as propostas de artigos como a análise de obras e traxectorias cinematográficas de autoras galegas, a autoría feminina como diferenza, os arquetipos femininos do cinema galego, a representación das mulleres ao fondo do cadro […]

Seguir lendo
Fora de plano
As mulleres no audiovisual
05/12/2020

A Deputación de Pontevedra celebra o próximo 10.decembro a xornada “FORA DE PLANO: AS MULLERES NO AUDIOVISUAL”. Presentación do Informe Cima 2019, mesa de debate e presentación da primeira edición dos Premios #MulleresNoFoco 2021. Acompáñanos dende a rede! Inscripción gratuíta. As persoas inscritas poderán acceder a 5 curtametraxes online (do 10 ao 13 de decembro, […]

Seguir lendo
© 2021 Estudos Audiovisuais