O I+D+i EDCINEMA celebra en Cardiff o simposio: “Finlandia, Galiza, Gales. Os retos dos pequenos cinemas en linguas minorizadas”
Os días 24 e 25 de novembro, ten lugar en Cardiff o simposio Finlandia, Galiza, Gales. Os retos dos pequenos cinemas en linguas minorizadas.
A consideración das nacións como espazos comunicativos, e do cinema en versión orixinal como ferramenta imprescindible na construción da diversidade cultural europea, serve de punto de partida para que académicos, representantes institucionais e profesionais do sector cinematográfico leven a debate as barreiras que dificultan a visibilidade dos pequenos cinemas e a eficacia das políticas da diversidade existentes na difusión dos filmes nacionais.
As investigadoras Marta Pérez e Mª Soliña Barreiro coordinan este evento no que tamén participan: George Henry Bacon (University of Helsinki), Matt Beere (Chapter), Steve Blandford (University of South Wales), Pietari Kääpä (University of Stirling), Ruth McElroy (Centre for the Study of Media Culture and Small Nations. University of South Wales), Daryl Perrins (University of South Wales), Cibrán Tenreiro Uzal (Universidade de Santiago de Compostela), Hanna Thomas (Fflim Cymru), e Rhiannon Wyn Hughes (Film Cymru).
O evento forma parte das actividades de difusión proxecto do Plan Nacional de I+D+i “Cara o Espazo Dixital Europeo. O papel das cinematografías pequenas en versión orixinal”(ref. CSO2012-35784. Ministerio de Economía e Competitividade) que desenvolve o Grupo de Estudos Audiovisuais da Universidade de Santiago de Compostela baixo a dirección da catedrática Margarita Ledo Andión.
Os días 10 e 11 de novembro a Facultade de Comunicación acollerá a decimoterceira edición do seminario CO(M)xénero, este ano titulada “Erro inesperado. Artesás e sintéticas contra as violencias na imaxe pública”. A inscrición xa está aberta, a participación é de balde ate completar aforo e a asistencia ó seminario é unha actividade recoñecida para […]
A aprobación da Lei Xeral do Audiovisual en 2022 actualizou o marco normativo español en materia audiovisual, abordando algúns dos retos presentados por axentes como as plataformas de streaming pero deixando abertos algúns outros no relativo á protección da diversidade. O proxecto LEXCAV, financiado polo Programa Estatal de I+D+i Orientada a los Retos de la Sociedad e desenvolvido polo Grupo Estudos Audiovisuais, ten realizado nos […]
O Teatro Colón da Coruña foi o escenario este venres da V Gala da Cultura, unha cita na que a Deputación da Coruña reuniu 19 persoas premiadas en 13 categorías. O evento, presentado pola xornalista Susana Pedreira e o actor e músico Xoán Fórneas, contou coa actuación de Caamaño & Ameixeira e cunha destacada presenza […]