Actualidade
Novas e Axenda Bota un ollo á actividade do GEA

O Congreso debatirá mañá o Proxecto de Lei do Audiovisual que non ofrece garantías de igualdade para o galego

A Iniciativa galega polo audiovisual propón encher as redes co cancelo #AudiovisualEnGalego

23/02/2022

Mañá, 24 de febreiro, comezará o primeiro debate no Congreso do Proxecto de Lei xeral de Comunicación Audiovisual que se prolongará varias semanas. Este debate danos a oportunidade de tentar mudar unha proposta lexislativa que non garante un mínimo de igualdade para o galego, nen na dispoñibilidade en contidos foráneos nen para as producións propias.

Esta lei definirá o desenvolvemento do conxunto do audiovisual e das canles e plataformas de contidos televisivos nas próximas décadas. Se non houber mudanza sobre o Proxecto de lei proposto polo goberno español o galego seguirá excluído da inmensa maioría da oferta de series e filmes.

Por isto, diversas entidades do sector audiovisual, do ámbito académico e da defensa lingua, elaboramos a Iniciativa polo audiovisual en galego, unha proposta de emendas que estamos a presentar ao partidos políticos para conseguir igualdade para o galego na dobraxe, lexendaxe, audiodescricións e financiamento de producións nos termos contemplados na Iniciativa Xabarín aprobada por unanimidade polo Parlamento galego.

Para o inicio do debate que terá lugar nos seguintes meses, propomos unha acción colectiva nas redes sociais que terá lugar de 9.00 a 13.00 horas do día 24 para o que precisamos da vosa axuda:

Difundir a Iniciativa polo audiovisual en galego polas redes sociais e o voso ámbito de actuación. Para iso empregaremos o cancelo #AudiovisualEnGalego xunto a imaxes, vídeos e textos que evidencian a situación actual e propoñen alternativas. Nesta ligazón deixamos algúns dos materiais que elaboramos e que podedes empregar libremente ou como orientación.

 

MÁIS NOVAS
Encontro con Margarita Ledo e proxección de `Nación´ na Faculté des Lettres, Sorbonne Université
O vindeiro 13 de outubro o CRIMIC organiza a actividade.
03/10/2022

O vindeiro 13 de outubro o Centre de Recherches Interdisciplinaires sur les Mondes Ibériques Contemporains (CRIMIC) organiza un encontro coa coordinadora do Grupo de Estudios Audiovisuais, Margarita Ledo Andión, na súa faceta de directora. Esta actividade terá lugar no salón de actos da Faculté des Lettres,  pertencente á Sorbonne Université (París). Ademais, proxectarase o seu […]

Seguir lendo
Curso sobre podcasting profesional organizado polo Grupo de Estudos Audiovisuais
Entre o 11 de outubro e o 13 de decembro, profesionais dos contidos sonoros e profesorado da USC abordarán os diferentes procesos e oficios implicados na creación de podcasts no contexto profesional.
27/09/2022

Nos últimos lustros, o formato podcast vén protagonizando un auxe moi notorio, tanto en exemplos realizados nun modelo de autoprodución como en formatos abordados por grandes grupos de comunicación. Desde o Grupo de Estudos Audiovisuais organízase o curso de formación específica e a demanda “Podcasting profesional” para superar as nocións básicas e achegar ao alumnado […]

Seguir lendo
Presentación do libro `La revuelta en la mirada. Las imágenes del tiempo en el cine de vanguardia europeo de los años veinte´
O vindeiro 6 de outubro ás 20.30h na libraría NUMAX, a profesora e investigadora membro do GEA Mª Soliña Barreiro presentará o volume
27/09/2022

O vindeiro 6 de outubro ás 20.30h na libraría NUMAX, a profesora e investigadora da USC Mª Soliña Barreiro presentará o libro: `La revuelta en la mirada. Las imágenes del tiempo en el cine de vanguardia europeo de los años veinte´. Tamén, estará presente no coloquio a coordinadora do Grupo de Estudos Audiovisuais, Margarita Ledo […]

Seguir lendo
© 2022 Estudos Audiovisuais