María Soliña Barreiro coordinou os contidos do II Foro da Industria Galega do Audiovisual (FIGA)
O II Foro da Industria Galega do Audiovisual (FIGA) celebrouse os días 7, 8 e 9 de novembro na Coruña
A profesora e investigadora da USC, adscrita ao GEA, María Soliña Barreiro foi a coordinadora de contidos do II Foro da Industria Galega do Audiovisual (FIGA) que se celebrou os días 7, 8 e 9 de novembro na Cidade das TIC da Coruña. Baixo o lema “A lingua e o audiovisual”, este foro serviu para debater e analizar a diversidade lingüística no sector audiovisual, co obxectivo de valorar a situación actual e debater retos de futuro.
O programa articulouse en tres xornadas temáticas.
- Quinta feira, día 7 – “Na procura da nova televisión: públicos mozos, accesibilidade e referentes renovados”, centrada no desafío de captar ás audiencias máis novas, mantendo a diversidade lingüística como valor diferencial.
- Sexta feira, día 8 – “Unha esfera cultural propia: producir en linguas minorizadas ou minoritarias”, orientada a analizar o impacto de crear contidos en linguas non hexemónicas.
- Sábado 9 – “Cara un circuíto estable e unha normalización na lingua do audiovisual”. A xornada de clausura explorou as posibilidades de avanzar cara a un sistema audiovisual galego sólido que permita a normalización efectiva do uso da lingua galega.
O Foro da Industria Galega do Audiovisual é unha iniciativa da Academia Galega do Audiovisual que contou, nesta edición, coa colaboración do Grupo de Estudos Audiovisuais da USC.
Foto: Academia Galega do Audiovisual.
A aprobación da Lei Xeral do Audiovisual en 2022 actualizou o marco normativo español en materia audiovisual, abordando algúns dos retos presentados por axentes como as plataformas de streaming pero deixando abertos algúns outros no relativo á protección da diversidade. O proxecto LEXCAV, financiado polo Programa Estatal de I+D+i Orientada a los Retos de la Sociedad e desenvolvido polo Grupo Estudos Audiovisuais, ten realizado nos […]
O Teatro Colón da Coruña foi o escenario este venres da V Gala da Cultura, unha cita na que a Deputación da Coruña reuniu 19 persoas premiadas en 13 categorías. O evento, presentado pola xornalista Susana Pedreira e o actor e músico Xoán Fórneas, contou coa actuación de Caamaño & Ameixeira e cunha destacada presenza […]
O venres pasado, 17 de abril, Rocío del Pilar Sosa Fernández, membro do GEA, presentou a comunicación Accessibility and Efficiency in Virtual Production: A TAM-Based Comparison of Luma AI (NeRFs) and Smartphone LiDAR no marco da conferencia 2026 SJTU-IAMCR Emerging Media Conference: Creative Communication and Empowerment. Devandito evento foi organizado pola International Association for Media […]