Actualidade
Novas e Axenda Bota un ollo á actividade do GEA

Margarita Ledo recibe o Premio de Honra Fernando Rey pola súa traxectora na gala dos Mestre Mateo

21/03/2022

A Academia Galega do Audiovisual homenaxeou a traxectoria de Margarita Ledo Andión outorgándolle o Premio de Honra Fernando Rey, “por ser unha figura de referencia no eido da cultura como xornalista, investigadora, poeta e escritora. Por impulsar a creación da Facultade de Ciencias da Comunicación da USC e alumear as vocacións de varias xeracións de galegas e galegos desde o seu posto como profesora catedrática de Comunicación Audiovisual e Publicidade. Por contribuír á posta en marcha de iniciativas tan necesarias como NUMAX ou o Grupo de Estudios Audiovisuais. Por recuperar voces e relatos da nosa historia recente a través das súas películas, desde unha posición independente e reivindicativa”.

O galardón, entregado na 20ª edición da gala dos Mestre Mateo, súmase a numerosos recoñecementos recibidos pola directora do GEA, como o Premio Nacional da Cultura Galega (2008), o Premio Otero Pedrayo (2017), a homenaxe a toda unha vida de investigación en comunicación da Asociación Española de Investigación da Comunicación no VII Congreso Internacional da AE-IC, o Premio do Festival de Cine Europeo de Sevilla pola dirección de Nación (2020) ou o Mestre Mateo ao Mellor documental polo mesmo filme.

Na recepción do Premio, Margarita Ledo falou da “visión da nosa época dende espazos intermedios, de dentro para fóra” á que ela lle dá corpo facendo “filmes en lingua galega”, así como no “estudo de filmografías de nacións pequenas; na insistencia da necesidade de políticas públicas que garantan a súa existencia; na ollada en feminino, esa ollada que trae a experiencia das mulleres para o centro da trama e que tronza o fío con tipos e estereotipos que nos deturpan, desencarnan, banalizan”.

 

[Imaxe: AGA/ Vanessa Rábade]

MÁIS NOVAS
Margarita Ledo Andión participa no seminario “Memoria democrática audiovisual” no Instituto Cervantes de París
Este venres proxectarase "Santa Liberdade" e haberá coloquio coa directora
03/05/2022

O Instituto Universitario del Cine Español da Universidad Carlos III de Madrid (IUCE-UC3M) celebra un seminario de dúas xornadas baixo o título “Memoria democrática audiovisual. Extraterritorialidad y resistencia”. Terá lugar no Instituto Cervantes de París entre o xoves 5 e o venres 6 de maio. O propósito da actividade é invitar a reflexionar sobre as […]

Seguir lendo
Ampríase o prazo do Call for Papers da 13ª edición do Small Cinemas “Totalitarismo na literatura e no cinema”
A data límite para o envío de resumos é o 30 de maio
28/04/2022

A conferencia internacional Small Cinemas estende o prazo de recepción de propostas para a súa 13ª edición “Totalitarismo na literatura e no cinema” ata o 30 de maio. O totalitarismo e outras ideoloxías radicais como fenómeno social foron sempre un mal das sociedades grandes e pequenas. O momento actual esixe aos académicos e intelectuais unha […]

Seguir lendo
Publícase o libro “La revuelta en la mirada: Las imágenes del tiempo en el cine de vanguardia europeo de los años veinte”, de María Soliña Barreiro
26/04/2022

A editorial Prensas de la Universidad de Zaragoza acaba de publicar “La revuelta en la mirada: Las imágenes del tiempo en el cine de vanguardia europeo de los años veinte”, da docente María Soliña Barreiro. A investigadora, especializada no cine de vangarda, no cine das orixes e nas representacións visuais do traballo, realiza neste libro […]

Seguir lendo
© 2022 Estudos Audiovisuais