Margarida Kunsch e Moisés Martíns reciben a Insignia de Ouro da USC
Os dous investigadores debateron sobre o futuro da lusofonía na Facultade de Ciencias da Comunicación o día antes de recibir o recoñecemento
Margarida M. Krohling Kunsch, da Universidade de Sao Paulo, e Moisés de Lemos Martins, da Universidade do Minho, recibiron esta mañá a Insignia de Ouro da USC nun acto no Salón de Graos do Colexio de San Xerome. A catedrática emérita Margarita Ledo fixo a louvanza destes dous investigadores fundamentais na construción do ámbito lusófono da investigación sobre comunicación. No acto interviron, amais do reitor da USC, Antonio López, o reitor da Universidade do Minho, Rui Vieira do Castro.
A lusofonía por vir
Kunsch e Martins participaron o día anterior nun foro titulado “A lusofonía por vir” na Facultade de Ciencias da Comunicación. O acto, organizado pola AGACOM (Asociación Galega da Comunicación) e polo GEA, contou coas intervencións de do decano da Facultade de Ciencias da Comunicación, Xosé Ramón Pousa Estévez, da presidenta de honra da AGACOM, Margarita Ledo, e do presidente da Real Academia Galega, Víctor Fernández Freixanes. O intercambio de ideas, moderado polo coordinador de Novos Medios, Xosé López, partiu dunha revisión do traballo feito nos últimos 30 anos na construción de asociacións e redes de investigadores da lusofonía e das principais accións de achegamento cultural, como a creación do Museo Virtual da Lusofonía, tralo que se abriu o debate na procura de ideas para reforzar a esfera comunicativa lusófona. Ao debate uníronse investigadores do Grupo de Estudos Audiovisuais e do Grupo Novos Medios, amais de estudantes de Xornalismo e de Comunicación audiovisual.
Fotografía: Salti Alvite |USC
Os días 10 e 11 de novembro a Facultade de Comunicación acollerá a decimoterceira edición do seminario CO(M)xénero, este ano titulada “Erro inesperado. Artesás e sintéticas contra as violencias na imaxe pública”. A inscrición xa está aberta, a participación é de balde ate completar aforo e a asistencia ó seminario é unha actividade recoñecida para […]
A aprobación da Lei Xeral do Audiovisual en 2022 actualizou o marco normativo español en materia audiovisual, abordando algúns dos retos presentados por axentes como as plataformas de streaming pero deixando abertos algúns outros no relativo á protección da diversidade. O proxecto LEXCAV, financiado polo Programa Estatal de I+D+i Orientada a los Retos de la Sociedad e desenvolvido polo Grupo Estudos Audiovisuais, ten realizado nos […]
O Teatro Colón da Coruña foi o escenario este venres da V Gala da Cultura, unha cita na que a Deputación da Coruña reuniu 19 persoas premiadas en 13 categorías. O evento, presentado pola xornalista Susana Pedreira e o actor e músico Xoán Fórneas, contou coa actuación de Caamaño & Ameixeira e cunha destacada presenza […]