A Asociación Española de Investigación da Comunicación AE-IC mantén aberta ata o 18 de outubro de 2021 a chamada á presentación de traballos para o VIII Congreso Internacional que se celebrará en Barcelona do 28 de xuño ao 1 de xullo de 2022.
Investigadores/as en comunicación, especialmente dos ámbitos español, europeo e latinoamericano, están convidados a intercambiar as súas experiencias e reflexións en torno aos múltiples e complexos ámbitos e perspectivas comunicativas. Arredor do título “Comunicación e Cidade Conectada”, esta convocatoria pretende abrir un intenso debate en torno aos cambios sobrevidos na última década e que orixinan novos desafíos económicos, sociais, ambientais, culturais e comunicativos.
O Congreso terá lugar na Facultade de Ciencias da Comunicación da Universidade Autónoma de Barcelona (UAB) e prestará especial atención á investigación teórica e aplicada na comunicación e na cultura, co foco posto na participación da sociedade civil tanto nos medios públicos e comunitarios como nas redes e os medios dixitais.
Os principais obxectos de referencia en AE-IC Barcelona 2022 (https://aeicbarcelona22.org) son os medios de comunicación, as tecnoloxías da información e as industrias culturais. Todos eles abordaranse desde un punto de vista tecnolóxico, económico, creativo, diverso e plural nun contexto marcado pola converxencia multimedia, a transformación dixital e a globalización. Especial atención prestarase tamén á denominada España “baleirada” e aos seus déficits de conexión que afectan non só aos medios de comunicación se non tamén ás redes educativas ou sanitarias, entre outras.
Neste marco intégranse as tres sesións plenarias previstas en torno á Comunicación, desenvolvemento e cidade conectada; Comunicación e cultura na cidade, e Comunicación e cidadanía democrática dixital. En torno a elas artellaranse as sesións de traballo arredor das diversas seccións e grupos de traballo da AE-IC. Recentemente, a Asociación aprobaba a continuidade e reconfiguración da súa Xunta Directiva logo do pasamento do que fora o seu presidente, Enrique Bustamante Ramírez, a quen se tributará unha homenaxe in memorian neste VIII Congreso da AE-IC.
O GEA participou na Conferencia internacional “Personal Perspective and Essayistic Form in Nonfiction Film and Art” en Vilnius, Lituania. A representación do Grupo de Estudos Audiovisuais estivo formada pola Catedrática Emerita de Comunicación Audiovisual da USC e IP Margarita Ledo, a profesora Marta P. Pereiro e os profesores Cibrán Tenreiro e Eloy Domínguez.
A Asociación Española de Investigación de la Comunicación (AE-IC) celebrará o seu IX Congreso Internacional na Facultade de Comunicación e Documentación, Campus Espinardo, da Universidade de Murcia, do 28 ao 31 de maio de 2024 baixo o lema “Comunicación e Innovación Sostíbel”. O Congreso convoca aos/ás investigadores/as en comunicación, nomeadamente no ámbito español, europeo e […]
Os días 14 e 15 de setembro de 2023 celebrarase no Auditorio da Facultade de Ciencias da Comunicación da USC o seminario Cinema e deporte. Clase xénero e cuestión nacional. Este seminario está organizado polo Grupo de Estudos Audiovisuais da Universidade de Santiago de Compostela, Cinema. Col.lectiu d´Investigació Estètica des Mitjans Audiovisuals da Universidade Pompeu […]