II Premio CGAC de Investigación e Ensaio sobre Arte Contemporánea
A convocatoria está aberta até o 15 de outubro
O Centro Galego de Arte Contemporánea vén de convocar a segunda edición do Premio CGAC de Investigación e Ensaio sobre Arte Contemporánea, creado o ano pasado a fin de promover a produción de pensamento sobre esta materia en lingua galega. O artista Rosendo Cid, con A arte está feita dunha materia incerta e fragmentaria, foi o galardoado na edición inaugural.
Poden concorrer textos inéditos escritos en galego e de tema libre, mais sobre aspectos da arte contemporánea, preferibelmente cun carácter divulgativo. A extensión dos orixinais abranguerá entre 150.000 e 450.000 caracteres con espazos.
A convocatoria estará aberta até o 15 de outubro de 2019. O ensaio gañador será premiado con 3.000 euros, alén da súa publicación en forma de libro dentro dunha das coleccións que conforman a liña editorial do centro, consonte a temática da obra gañadora.
Consulta as bases para máis información.
O vindeiro día 4 de febreiro, terza feira, ás 11h proxectárase no auditorio da Facultade de Ciencias de Comunicación da Universidade de Santiago o filme Morlaix. Posteriormente haberá un coloquio ao que asistirán o director da fita, Jaime Rosales, o Catedrático de Comunicación Audiovisual e Publicidade José Luis Castro de Paz e estudantes da facultade. […]
O pasado venres, día 29 de novembro, Rocío do Pilar Sosa Fernández, investigadora en formación do Grupo de Estudos Audiovisuais, defendeu a súa tese doutoral. Obtivo a cualificación Sobresaínte Cum Laude, por unanimidade, e a mención internacional pola estancia de investigación realizada na Universidade de Aalto, en Finlandia. A dirección da tese estivo a cargo […]
A auto-biografía política, dar a ver a súa construción, a marca do dispositivo, o real como material que “debe ser ficcionado para ser pensado (Rancière) é un dos sinais e tamén os arquivos re-significados polas escrituras do “eu”, polo corpo, polos seus ecos, pola actuación… son entradas polas que accedemos ao interior do labirinto a […]