O XIII Congreso da AEHC acolle a presentación do «Galicia 1936-2011. Estudos sobre o filme de Carlos Velo»
Do 10 ao 12 de marzo de 2011 a Facultade de Ciencias da Comunicación da USC converteuse en sede o XIII Congreso da Asociación de Historiadores do Cinema. Baixo o título Aurora e melancolía, a edición centrouse no cinema realizado durante a II República (1931-1939) e foi co-organizada polo Grupo de Estudos Audiovisuais, a Facultade de Ciencias da Comunicación da USC, o Centro Galego de Artes da Imaxe (CGAI) e a Xunta de Galicia.
No marco do evento, a investigadora do GEA, Margarita Ledo Andión, presentou xunto a Ramiro Ledo Cordeiro e Pablo Cayuela os resultados da investigación “Galicia 1936-2011. Estudos sobre o filme de Carlos Velo”, un proxecto que, a partir da recuperación en 2010 de 16 novos minutos do material rodado por Carlos Velo para o filme Galicia -Finisterre 1936, combina a análise teórica coa montaxe cinematográfica para ofrecer unha reconstrución da peza do cineasta de Cartelled de 22 minutos de duración . Na noite do xoves 10 de marzo, o Auditorio da Facultade de Ciencias da Comunicación acolleu a proxección en primicia da reconstrución da obra fundacional do cinema galego do que ata agora só se conservaban 8 minutos de duración. O venres 11 de marzo á tarde, o equipo investigador presentou o proceso de pesquisa e os resultados do proxecto.
Tanto o documento como o vídeo final na investigación poden ser consultados en liña.
“O seguinte texto expón as conclusións tiradas da análise comparada das tres fontes existentes arestora de Galicia (Carlos Velo, 1936):
GALICIA 8 MIN.: a única copia conservada até o de agora, proxectada nas XoCiViGa d’O Carballiño de 1985. (8’07’’)
ISPANIJA: filme realizado no ano 1939 pola directora soviética Esfir Shub, montado a partir de imaxes de diversas procedencias, e no que se atopan parte das imaxes rodadas por Velo para Galicia.
BOBINAS: material depositado no CGAI en decembro de 2010 polo profesor Vladimir Magidov. As tres primeiras bobinas, que analizando as colas fotograma a fotograma se corresponden cos números 13694, 13696 e 13697, conteñen 16 minutos de Galicia. É a estas ás que nos referiremos. Sen son”
Estudos sobre o filme de Carlos Velo
Arredor de Jesús Martín Barbero: Mapa para voos nocturnos Margarita Ledo Andión No prefacio a Vol de nuit, 1931, de Saint-Exupéry, André Gide fálanos de “le surpassement de soi et le sens de devoir”. E talvez por iso é común atopar nos escritos do propio Martín Barbero ademais de nos seus analistas ese topos que […]
O Grupo de Estudos Audiovisuais da USC é o encargado de organizar a 12ª edición do congreso internacional Small Cinemas, un encontro itinerante de carácter anual que congrega investigadoras e investigadores de todo o mundo referentes no estudo dos denominados pequenos cinemas, cinematografías de países e culturas con linguas minorizadas, nacións sen estado ou entidades […]
A Escola Superior de Educação de Viana do Castelo acollerá entre os días 25 e 29 de outubro a 10ª Conferência Internacional de Cinema de Viana co obxectivo de fomentar reflexións e debates arredor do cinema nas súas múltiples dimensións culturais, artísticas e tecnolóxicas. O evento académico abre desde hoxe, e ata o 2 de […]
Data de inicio: 01/12/2010Data de fin: 31/01/2012I.P.: Margarita Ledo AndiónInvestigadores participantes: Margarita Ledo Andión , Ramiro Ledo Cordeiro; Pablo Cayuela
