Actualidade
Novas e Axenda Bota un ollo á actividade do GEA

Fx: Ollos para ver, 1º encontro de fotografía documental contemporánea galega

Exposición, seminario e curso de verán

23/05/2023

O 1º Encontro de Fotografía Documental Contemporánea Galega está organizado dende o Grupo de Estudos Audiovisuais e agrupa unha lista de actividades que teñen como cometido achegar fotografía documental galega, da man dunha extensa lista de profesionais, ao eido universitario.

Compónse á súa vez de diferentes actividades dende os meses de abril ata xullo:

EXPOSICIÓN FOTOGRÁFICA DO COLECTIVO OLLO (24/04/23-22/06/23)

O encontro iniciouse o día 24 de abril coa inauguración no corredor principal da Facultade de Cc. da Comunicación da exposición fotográfica do Colectivo Ollo. Este é un colectivo fotográfico multidisciplinar adicado á creación, distribución, divulgación e difusión de historias de relevancia social a través da imaxe integrado por: Vanessa Casteleiro, Brais Lorenzo, Paula Quiroga, Óscar Corral, Adra Pallón, Sara García, Agostiño Iglesias e Daniel Lázare.

Para máis info da exposición (aquí).

SEMINARIO: A CONSTRUCIÓN DUNHA OLLADA FOTOGRÁFICA DENDE GALICIA (22/06/23)

Este seminario, onde intervirán profesionais internacionais da fotografía como Xosé Luis Suárez Canal, Olívia Marqués da Silva, Anna Turbau, Delmi Álvarez, Carla Andrade ou o propio Colectivo Ollo. Terá lugar o vindeiro 22 de xuño no Auditorio da Facultade de Ciencias da Comunicación da USC.

É de balde e o prazo de inscrición está aberto ata o propio 22 de xuño (aquí).

Para acceder ao programa do seminario (aquí).

CURSO DE VERÁN: NOVAS OLLADAS Á COSTA GALEGA, OBRADOIRO DE FOTOGRAFÍA DOCUMENTAL CO COLECTIVO OLLO (30/06/23-01/07/23)

E, por último, o Curso de verán. Novas olladas á costa galega: obradoiro de fotografía documental co colectivo Ollo, terá lugar o vindeiro 30 de xuño e 1 de xullo no Auditorio da da Casa da Cultura de Porto do Son.

Un obradoiro de corte práctico sobre fotoxornalismo, creación de proxectos fotográficos e documentación dos mesmos, edición de resultados. Ademáis, de postas e común e debates relativos ao eido da fotografía e da imaxe. Este obradoiro rematrá cunha publicación conxunta.

O prazo de inscrición está aberto ata o 16 de xuño a través da Universidade de Verán da USC (aquí).

Para acceder ao programa e máis información do obradoiro (aquí).

 

MÁIS NOVAS
O Repertorio da Radio Galega da Emigración incorpórase ao catálogo da FaCom (USC)
Este recolle as actividades radiofónicas realizadas e protagonizadas polos emigrantes galegos fundamentalmente en América e Europa (1930 ata a actualidade).
17/07/2024

O Repertorio da Radio Galega da Emigración está dispoñible para consulta en sala na biblioteca da Facultade de Ciencias da Comunicación da Universidade de Santiago de Compostela. Un catálogo histórico das actividades radiofónicas realizadas e protagonizadas polos emigrantes galegos fundamentalmente en América e Europa, pero tamén noutros destinos menos frecuentes con presenza galega. Cronoloxicamente abrangue desde […]

Seguir lendo
Aberto o prazo para os Premios María Luz Morales
Este certame de ensaio e vídeoensaio está organizado pola Academia galega do Audiovisual
04/07/2024

A oitava edición dos Premios María Luz Morales de Ensaio e Vídeoensaio sobre o Audiovisual está en marcha. Os Premios María Luz Morales de Ensaio e Vídeoensaio sobre o Audiovisual son unha iniciativa que busca impulsar a produción académica relacionada co ámbito audiovisual. E estimularon a produción de 179 traballos de investigación en materia audiovisual desde a súa […]

Seguir lendo
Seminario “Película sen facer. Elementos dun cinema latente”
Os días 1 e 2 de xuño, no (S8) Mostra de Cinema Periférico da Coruña.
22/05/2024

O seminario, , parte do (S8) Mostra de Cinema Periférico da Coruña, dirixido a artistas, comisarios, cineastas, programadores, investigadores, arquiveiros e estudantes, de acceso libre, xira ao redor das películas inacabadas ou cuxa finalización foi truncada por motivos políticos, financeiros ou persoais, que nos conducirán por territorios como Irán, Marrocos, Corea do Sur ou España. […]

Seguir lendo
© 2024 Estudos Audiovisuais