Espazo limitado ou ilimitado? Os medios de comunicación en linguas minorizadas no contexto dixital
Até o 30 de abril estará aberto o prazo para presentar comunicacións
O seminario internacional “Espazo limitado ou ilimitado? Os medios de comunicación en linguas minorizadas no contexto dixital” celebrarase en Edimburgo durante os días 16 e 17 de octubro. Organizado polo Instituto Vasco Etxepare e a Universidade de Edinburgo no contexto do programa cultural Scotland Goes Basque, o obxectivo desta iniciativa é compartir coñecementos e fomentar a colaboración entre profesionais que traballan na investigación ou en medios de comunicación de idiomas minoritarios. A lingua de comunicación será o inglés.
A principios dos 80, o xurdimento de televisións en Cataluña, País Vasco Sur ou Gales impulsou a numerosos expertos a investigar os medios de comunicación que usan idiomas minoritarios. Destaca, entre outros, que en 1992 a Carta Europea das Linguas Minoritarias ou Rexionais subliñou a responsabilidade que teñen os gobernos e organismos públicos sobre os conceptos básicos e o exame dos casos importantes nesta materia.
Xunto coa dixitalización e Internet, desenvolveuse un sistema de comunicación global nas últimas dúas décadas. Como consecuencia, os retos e oportunidades para os medios de comunicación de linguas minorizadas volvéronse máis difíciles. A pesar da presenza de ditos cambios, o debate sobre a relación entre os medios en linguas minorizadas e o entorno dixital foi moi escaso.
Call for papers
Os organizadores aceptan comunicacións individuais, paneis grupais e posters, tanto investigacións como estudos de caso, relacionados cos temas a seguir:
- Políticas de comunicación e cultura
- Economía dos medios de comunicación e o entorno dixital
- Televisións e as novas plataformas de vídeo en Internet.
- Estudos de audiencia, xénero e contido
- Estratexias de programación e a contratación de contidos
- Condicións de produción e as opcións de distribución
- A comercialización de contidos
- Os medios de comunicación-educación e o uso do idioma
- Territorialidade, idioma e identidade
- Os medios de comunicación e perspectiva de xénero
Os resumos terán como máximo 250 palabras e enviaranse por correo electrónico antes do 30 de abril.
As presentacións terán unha duración de 20 minutos, seguidas de 10 minutos para as preguntas. Os paneis serán de 90 minutos, con tres intervencións de 20 minutos e 10 minutos para as preguntas.
As instruccións para apuntarse publicaranse a finais de abril.
+info. seguindo este enlace
O Festival de Málaga retoma as xornadas Málaga Docs coa publicación do libro colectivo El documental en España. Historia, estética e identidad, editado por Cátedra e o propio festival. Complementando a presentación deste volumen celébrase o Encuentro de Cine Documental 2023, En el espejo: una mirada compartida al cine documental en España, que traslada algúns dos […]
A revista Cinema & Território (C&T) é unha publicación científica anual e internacional de arte e antropoloxia das imaxes da Universidade da Madeira (UMa). A C&T está aberta a propostas para publicación de investigadores internos e externos á UMa, que se encadren nos dominios das artes e dos estudos cinematográficos, da antropoloxia visual e das imaxes […]
O certame ten dúas modalidades: monografía e artigo, o premio consistirá nun Diploma acreditativo e unha axuda de até 1.500€ para gastos de publicación do mellor monográfico presentado, e de 400€ para o mellor artigo que supere o proceso de revisión para ser publicado na Revista de la Asociación Española de Investigación de la Comunicación […]