Actualidade
Novas e Axenda Bota un ollo á actividade do GEA

Dispoñibles dous novos números da colección “Cuadernos de Cine y Cultura Posbélica Española”

02/07/2015

Recentemente foron publicados os libros Muerte de un ciclista (Juan Antonio Bardem, 1955): una firme mirada opositora e Sonrisas y lágrimas de España: esperpento, humor negro y costumbrismo en el cine español, realizados no eido do I+D+i Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648. Mineco – Goberno de España).
Os volumes están editados por Vía Láctea e constitúen respectivamente o segundo e o terceiro número da colección Cuadernos de Cine y Cultura Posbélica Española, creada desde o Proxecto de Investigación coa colaboración da Fundación Wenceslao Fernández Flórez, e iniciada o pasado ano coa publicación de El malvado Carabel: literatura y cine popular antes y después de la Guerra Civil.
Escrito por José Luis Castro de Paz e Héctor Paz Otero, Muerte de un ciclista (Juan Antonio Bardem, 1955): una firme mirada opositora presenta un minucioso estudo da célebre película de Juan Antonio Bardem desde un punto de vista innovador que contrasta coa tradicional insistencia na súa influencia neorrealista, afondando nesta ocasión no peso do cruzamento do cinema hollywoodiense con determinados dispositivos formais e semánticos recibidos da filmografía española da década anterior.
Por outra banda, Sonrisas y lágrimas de España: esperpento, humor negro y costumbrismo en el cine español é unha obra coordinada por Nekane Zubiaur e Carmen Arocena que recolle diversos estudos de relevantes investigadores –tanto membros do proxecto como colaboradores externos– acerca da natureza do esperpento cinematográfico, indagando con reflexións teóricas e análises de películas exemplares no transcendental proceso de deformación de certas convencións costumistas tendentes ao grotesco e tinguidas dun desapiadado humor negro que conduciría á translación fílmica desa gran veta da arte e a cultura españolas. Ademais das coordinadoras do volume, colaboran na obra Santos Zunzunegui, Íñigo Larrauri, Asier Aranzubia, Alejandro Montiel e José Luis Castro de Paz.

MÁIS NOVAS
‘Santa liberdade’ e ‘Longa noite’ proxéctanse no Museo Raíña Sofía
Forman parte do ciclo «As re-voltas da memoria», que aborda o cinema tras as dictaduras de España, Chile e Arxentina
17/09/2020

O documental Santa Liberdade (Margarita Ledo Andión, 2004) e o filme Longa noite (Eloy Enciso, 2019) poderán verse este mes de setembro no Museo Nacional e Centro de Arte Raíña Sofía, en Madrid, dentro do ciclo «As re-voltas da memoria». Este ciclo propón, a través do documental e do cinema-ensaio, distintas formas de abordar a […]

Seguir lendo
O Museu Virtual da Lusofonia torna global a través do Google Arts and Culture
02/09/2020

O traballo de análise, preservación e difusión do patrimonio histórico-cultural da comunidade lusófona recibe un novo impulso coa incorporación do Museo Virtual da Lusofonia á plataforma Google Arts an Culture. A cerimonia de presentación terá lugar o vindeiro 4 de setembro ás 21 horas (22 horas na Galiza) no Museu Nogueira da Silva e será […]

Seguir lendo
O VII Congreso Internacional da AE-IC aprázase ao mes de outubro
Amplíase o prazo para a inscrición de relatoras e asistentes
15/07/2020

O VII Congreso Internacional da Asociación Española de Investigación de la Comunicación (AE-IC) celebrarase na Facultade de Filoloxía, Tradución e Comunicación da Universidade de Valencia, do 28 ao 30 de outubro de 2020 e terá carácter semipresencial. Desta maneira, a asociación e a Universidade de Valencia buscan garantir o cumprimento das medidas de prevención esixidas […]

Seguir lendo
© 2020 Estudos Audiovisuais