Actualidade
Novas e Axenda Bota un ollo á actividade do GEA

Curso sobre podcasting profesional organizado polo Grupo de Estudos Audiovisuais

Entre o 11 de outubro e o 13 de decembro, profesionais dos contidos sonoros e profesorado da USC abordarán os diferentes procesos e oficios implicados na creación de podcasts no contexto profesional.

27/09/2022

Nos últimos lustros, o formato podcast vén protagonizando un auxe moi notorio, tanto en exemplos realizados nun modelo de autoprodución como en formatos abordados por grandes grupos de comunicación. Desde o Grupo de Estudos Audiovisuais organízase o curso de formación específica e a demanda “Podcasting profesional” para superar as nocións básicas e achegar ao alumnado da Facultade de Ciencias da Comunicación unha formación arredor das dinámicas profesionais na creación de audio. Entre o 11 de outubro e o 13 de decembro, o temario abordará, en horario de tarde e clases de 3 horas, as distintas fases e tarefas das producións sonoras (do guión ao deseño sonoro ou a difusión), complementando as aportacións do profesorado da USC coas de traballadoras e traballadores do medio recoñecidos con varios premios Ondas.

Así, nas primeiras tres sesións tratarase o guión para podcasting con Nuria Pérez Paredes (Gabinete de curiosidades), Arturo Lezcano (En el corredor de la muerte, In situ) e Andrea Morán (La mirada encendida, Nueva carpeta). A continuación, a produción será obxecto dunha clase impartida por Ana G. Liste (Retrocorenta) e outra impartida por Marta Salicrú (directora de Radio Primavera Sound), mentres a parte de difusión a abordará Jesús Blanquiño (xefe de proxecto de Podium Podcast). Nunha segunda parte do programa haberá un achegamento ao traballo co son, cunha sesión sobre locución a cargo de Xiana Arias (Urdime), outra sobre deseño sonoro a cargo de Javi Álvarez (Catástrofe ultravioleta, La fucking condición humana), outra sobre gravación a cargo de Manuel Fidalgo (USC) e outra sobre edición a cargo de Reyes Abad, tamén da USC. Finalmente, o alumnado matriculado deberá completar un podcast propio que contará coa titorización dos membros do GEA Cibrán Tenreiro e Marta Pérez Pereiro.

A inscrición ao curso, recoñecido con 4 créditos ECTS, ten un prezo de 50 euros e debe realizarse a través da Secretaría Virtual da USC antes do 4 de outubro. A selección do alumnado fixarase segundo a titulación na que estea matriculado coa seguinte prioridade: 1. Graos en Comunicación Audiovisual, Xornalismo e Dobre Grao en ambas titulacións. 2. Máster Universitario en Xornalismo e Comunicación Multimedia: Novas Tendencias en Produción, Xestión e Difusión do Coñecemento. 3. Programa de doutoramento en Comunicación e Información Contemporánea. 4. Alumnado egresado da Facultade de Ciencias da Comunicación. Se o alumnado do primeiro grupo non cubre as prazas dispoñibles, pasarase a seleccionar alumnado do segundo grupo, e así sucesivamente. Dentro de cada grupo, a selección farase por orde de inscrición.

MÁIS NOVAS
Llorenç Soler: M’agrada pensar que sóc un amateur de tot el que faig
09/11/2022

Seducido polas moitas realidades que acubilla a cidade, Llorenç Soler filma en 1976 o Primeiro Seminario de Arquitectura de Compostela (1976), de carácter descritivo e, en paralelo, unha peza de montaxe radical na forma e na denuncia: Antisalmo.  Dende  entón Galiza fai parte dos seus materiais e serán as mediametraxes Gitanos sin romancero (1976), Autopista: […]

Seguir lendo
Margarita Ledo Andión participará como profesorado no Laboratorio FilmLAB LaC6 en Mieres
A coordinadora do GEA partillará experiencias no módulo 2 do laboratorio: "Formas y narrativas. Estructuras del guión cinematográfico"
09/11/2022

Neste laboratorio FilmLAB LaC6, un grupo de vinte profesionais do cinema en activo de recoñecida traxectoria, acompañan nas fases inicias sete proxectos cinematográficos de novas autorías.  Co fin de formar nas ferramentas necesarias no desenvolvemento e realización da propia obra audiovisual. Ademais de tempo e orientación para profundar nos proxectos, apréndese a elaborar un dossier […]

Seguir lendo
III Xornadas Internacionais Violencia de xénero e muller con discapacidade IN.XURGA 2022 coa participación de Margarita Ledo Andión
Os vindeiros 17 e 18 novembro de 2022 realizaránse as xornadas en streaming
09/11/2022

Os vindeiros 17 e 18 novembro a Asociación pola defensa das persoas con discapacidade/dependencia de Xuristas Inclusiv@s (IN.XURGA), organiza as III Xornadas Internacionais Violencia de xénero e muller con discapacidade IN.XURGA 2022, onde colaborará como asociada de honra a coordinadora do Grupo de Estudios Audiovisuais, Margarita Ledo Andión. intervirá o día 18 ás 18.00h coa […]

Seguir lendo
© 2022 Estudos Audiovisuais