ASSIBERCOM estende o prazo de presentación de propostas até o 31 de xullo
A XVII edición da IBERCOM terá lugar en Bogotá do 27 ao 29 de novembro
A Associação Ibero-Americana de Comunicação (ASSIBERCOM) vén de ampliar o prazo de presentación de prospostas para a XVII edición do IBERCOM, acollida polo Departamento de Comunicación e a Escola de Comunicación e Linguaxe Pontificia Universidad Javeriana (Bogotá, Colombia). Os resumos poderán enviarse até o 31 de xullo.
O congreso pretende reafirmar o espazo ibero-americano de reflexión e debate dos estudos en Comunicación. Tendo en consideración o momento histórico que atravesa Colombia, así como as posibilidades de diálogo e encontro intercultural, “Comunicação, Violências e Transições” será o tema central da IBERCOM 2019. A aposta por esta temática ten que ver coa convición de que a violencia é un fenómeno complexo que vai alén da dimensión puramente física ou material, abarcando amplamente o eido do simbólico e do discursivo.
Desde a organización exhortan á reflexión sobre o papel da comunicación nas transicións democráticas, xunto con outras transicións variadas (socio-ecolóxicas, xeográficas, biolóxicas, de xénero, conceptuais…) que vive o mundo contemporáneo. Seguindo esta liña xeral e considerando as divisións temáticas que establecen na súa web, as investigadoras e estudantes interesadas deberán presentar un resumo estendido no formato establecido.
A aprobación da Lei Xeral do Audiovisual en 2022 actualizou o marco normativo español en materia audiovisual, abordando algúns dos retos presentados por axentes como as plataformas de streaming pero deixando abertos algúns outros no relativo á protección da diversidade. O proxecto LEXCAV, financiado polo Programa Estatal de I+D+i Orientada a los Retos de la Sociedad e desenvolvido polo Grupo Estudos Audiovisuais, ten realizado nos […]
O Teatro Colón da Coruña foi o escenario este venres da V Gala da Cultura, unha cita na que a Deputación da Coruña reuniu 19 persoas premiadas en 13 categorías. O evento, presentado pola xornalista Susana Pedreira e o actor e músico Xoán Fórneas, contou coa actuación de Caamaño & Ameixeira e cunha destacada presenza […]
O venres pasado, 17 de abril, Rocío del Pilar Sosa Fernández, membro do GEA, presentou a comunicación Accessibility and Efficiency in Virtual Production: A TAM-Based Comparison of Luma AI (NeRFs) and Smartphone LiDAR no marco da conferencia 2026 SJTU-IAMCR Emerging Media Conference: Creative Communication and Empowerment. Devandito evento foi organizado pola International Association for Media […]