Convocado o VI Certame de Fotografía Ruth Matilda Anderson
O galardón premia a visibilización da labor das mulleres e a deconstrución de estereotipos de xénero
USC convoca o VI Certame de fotografía Ruth Matilda Anderson, que conmemora a figura da fotógrafa norteamericana, quen realizou varias viaxes a Galicia das que deixou testemuño a través das súas imaxes, centrándose no retrato das actividades cotiás dos anos 20. Por medio deste galardón a USC tenta promover a igualdade dentro e fóra da comunidade universitaria, a través de dous mecanismos:
- Sacar á luz o labor que desenvolven as mulleres na sociedade e que historicamente se veu invisibilizando.
- Deconstruír na medida do posible os estereotipos de xénero, acerca dos traballos que son propios de mulleres e os que o son de homes, e motivar a facer unha escolla da carreira profesional dun xeito máis libre e vocacional.
Con tal fin, este premio dirixido á comunidade universitaria e exalumnado da universidade acepta soamente obras cuxa temática xire arredor das mulleres dende diversas perspectivas (visibilización do traballo, mulleres e ciencia, rompendo estereotipos de xénero…), premiándose a creatividade, innovación e o impacto da imaxe. Outorgaranse tres premios, financiados polo Concello de Santiago de Compostela, cunha dotación económica de 1.000€, 800€ e 500€.
As fotografías deben presentarse en formato dixital, cunha resolución mínima de 300 ppp e orientación horizontal, en tamaño A3 ou A4. Admítense traballos até o 10 de setembro de 2019.
+info na web da OIX
O GEA participou na Conferencia internacional “Personal Perspective and Essayistic Form in Nonfiction Film and Art” en Vilnius, Lituania. A representación do Grupo de Estudos Audiovisuais estivo formada pola Catedrática Emerita de Comunicación Audiovisual da USC e IP Margarita Ledo, a profesora Marta P. Pereiro e os profesores Cibrán Tenreiro e Eloy Domínguez.
A Asociación Española de Investigación de la Comunicación (AE-IC) celebrará o seu IX Congreso Internacional na Facultade de Comunicación e Documentación, Campus Espinardo, da Universidade de Murcia, do 28 ao 31 de maio de 2024 baixo o lema “Comunicación e Innovación Sostíbel”. O Congreso convoca aos/ás investigadores/as en comunicación, nomeadamente no ámbito español, europeo e […]
Os días 14 e 15 de setembro de 2023 celebrarase no Auditorio da Facultade de Ciencias da Comunicación da USC o seminario Cinema e deporte. Clase xénero e cuestión nacional. Este seminario está organizado polo Grupo de Estudos Audiovisuais da Universidade de Santiago de Compostela, Cinema. Col.lectiu d´Investigació Estètica des Mitjans Audiovisuals da Universidade Pompeu […]