Ampríase o prazo do Call for Papers da 13ª edición do Small Cinemas “Totalitarismo na literatura e no cinema”
A data límite para o envío de resumos é o 30 de maio
A conferencia internacional Small Cinemas estende o prazo de recepción de propostas para a súa 13ª edición “Totalitarismo na literatura e no cinema” ata o 30 de maio.
O totalitarismo e outras ideoloxías radicais como fenómeno social foron sempre un mal das sociedades grandes e pequenas. O momento actual esixe aos académicos e intelectuais unha análise detallada do que ocorre na retórica das formulacións radicais, así como na deconstrucción da súa influencia no contido e na forma en que se emite.
No outro lado do espectro das películas que abrazan ideoloxías totalitarias, as películas antitotalitarias implican unha negociación temática e estética en moitos niveis. Debido ás numerosas formas de censura impostas tanto ao contido como á forma, os autores de películas dedicáronse a un xogo de linguaxes alternativas, a linguaxe dos contos de fadas, grotesco, alusións esópicas e moitas outras elaboracións formais. Convidamos a estudosos do cinema, sociólogos, filósofos e estudosos doutras disciplinas para participar nun debate aberto sobre as representacións dos fenómenos históricos nas películas totalitarias e sobre a forma en que se expresan nos textos literarios e nas películas grandes e pequenas.
A conferencia terá lugar entre o 1 e o 3 de outubro de 2022 en Bielsko- Biala, Polonia, nun formato híbrido.
Prazo para a recepción de resumos: As propostas de conferencias deberán ter un máximo de 300 palabras e enviaranse antes do 30 de maio a: Prof. Janina Falkowska, jfalkowska@wseh.pl
Estes son algúns temas suxeridos, pero convidamos a calquera contribución creativa sobre o tema:
A. Xeral
1. Historia e teoría do totalitarismo
2. Movementos de liberación que tenden a converterse en totalitarios
3. Prácticas totalitarias presentadas como ideas “revolucionarias”
4. Formas contemporáneas de censura social
5. Usos/lugares da tecnoloxía na censura de régimes totalitarios
B. Totalitarismo en literatura e cinema
1. O cinema totalitario na historia
2. A comedia no totalitarismo
3. Características universais de películas totalitarias
4. Propaganda cinematográfica no totalitarismo
C. Prácticas anti totalitarias na literature e cinema
1. Textos e contextos
2. O contido e as súas complexidades
3. Antiestética complexa. Alusión e grotesco
Calquera outra presentación académica relacionada co tema principal tamén é ben recibida.
Os días 10 e 11 de novembro a Facultade de Comunicación acollerá a decimoterceira edición do seminario CO(M)xénero, este ano titulada “Erro inesperado. Artesás e sintéticas contra as violencias na imaxe pública”. A inscrición xa está aberta, a participación é de balde ate completar aforo e a asistencia ó seminario é unha actividade recoñecida para […]
A aprobación da Lei Xeral do Audiovisual en 2022 actualizou o marco normativo español en materia audiovisual, abordando algúns dos retos presentados por axentes como as plataformas de streaming pero deixando abertos algúns outros no relativo á protección da diversidade. O proxecto LEXCAV, financiado polo Programa Estatal de I+D+i Orientada a los Retos de la Sociedad e desenvolvido polo Grupo Estudos Audiovisuais, ten realizado nos […]
O Teatro Colón da Coruña foi o escenario este venres da V Gala da Cultura, unha cita na que a Deputación da Coruña reuniu 19 persoas premiadas en 13 categorías. O evento, presentado pola xornalista Susana Pedreira e o actor e músico Xoán Fórneas, contou coa actuación de Caamaño & Ameixeira e cunha destacada presenza […]