Actualidade
Novas e Axenda Bota un ollo á actividade do GEA

Ábrese o prazo para o envío de comunicacións á XI Small Cinemas Conference

Admítense propostas até o 15 de maio

29/01/2020

Do 11 ao 12 de setembro de 2020, a Babeș-Bolyai University de Romanía acollerá a undécima edición do congreso Small Cinemas, que este ano se centra nos imaxinarios políticos das pequenas cinematografías e culturas.

O evento pon o foco no xurdimento de novos imaxinarios e formas de experiencia política, nun mundo caracterizado polo dominio do capitalismo, o avance do populismo, o incremento da mobilidade a escala internacional, a sucesión de catástrofes migratorias e a existencia activismo minoritario. Dende esta perspectiva, convida á comunidade investigadora a analizar o xeito no que os pequenos cines tentaron, nas últimas décadas, trasladar as complexidades culturais, económicas e sociais á pantalla. O congreso estudará os cambios producidos na imaxinería dos movementos sociais, políticos e ideolóxicos na época (post)neoliberal e nos seus efectos sobre a produción cultural das pequenas nacións.

As propostas de comunicacións- con título, resumo de até 300 palabras e breve biografía das/os autoras/es-, deben ser remitidas a smallcinemas.bbu@gmail.com até o 15 de maio e os resultados serán comunicados o 10 de xuño.

Acéptanse propostas para as seguintes áreas:

● Percepcións e xenealoxías da democracia
● Representacións do capitalismo global e das crises locais
● Reconstrucións do nacionalismo
● Populismos de esquerda e dereita
● Configuración da identidade entre xénero e raza
● A desvalorización do traballo e  as xerarquía económicas post-socialistas
● Perspectivas sobre precariedade, pobreza e desigualdades sociais
● Eco-activismo e retos do cambio climático
● Subxectividades políticas no capitalismo globalizado
● Ideoloxías políticas das formas estéticas
● Imaxinarios coloniais, postcoloniais, anticoloniales e autocoloniais
● Estruturas neoliberais nos mercados cinematográficos e culturais
● Imaxinarios das culturas pequenas e grandes mercados

Máis información na web do evento.

Persoa de contacto: Professor Claudiu Turcus

MÁIS NOVAS
O Repertorio da Radio Galega da Emigración incorpórase ao catálogo da FaCom (USC)
Este recolle as actividades radiofónicas realizadas e protagonizadas polos emigrantes galegos fundamentalmente en América e Europa (1930 ata a actualidade).
17/07/2024

O Repertorio da Radio Galega da Emigración está dispoñible para consulta en sala na biblioteca da Facultade de Ciencias da Comunicación da Universidade de Santiago de Compostela. Un catálogo histórico das actividades radiofónicas realizadas e protagonizadas polos emigrantes galegos fundamentalmente en América e Europa, pero tamén noutros destinos menos frecuentes con presenza galega. Cronoloxicamente abrangue desde […]

Seguir lendo
Aberto o prazo para os Premios María Luz Morales
Este certame de ensaio e vídeoensaio está organizado pola Academia galega do Audiovisual
04/07/2024

A oitava edición dos Premios María Luz Morales de Ensaio e Vídeoensaio sobre o Audiovisual está en marcha. Os Premios María Luz Morales de Ensaio e Vídeoensaio sobre o Audiovisual son unha iniciativa que busca impulsar a produción académica relacionada co ámbito audiovisual. E estimularon a produción de 179 traballos de investigación en materia audiovisual desde a súa […]

Seguir lendo
Seminario “Película sen facer. Elementos dun cinema latente”
Os días 1 e 2 de xuño, no (S8) Mostra de Cinema Periférico da Coruña.
22/05/2024

O seminario, , parte do (S8) Mostra de Cinema Periférico da Coruña, dirixido a artistas, comisarios, cineastas, programadores, investigadores, arquiveiros e estudantes, de acceso libre, xira ao redor das películas inacabadas ou cuxa finalización foi truncada por motivos políticos, financeiros ou persoais, que nos conducirán por territorios como Irán, Marrocos, Corea do Sur ou España. […]

Seguir lendo
© 2024 Estudos Audiovisuais