Actualidade
Novas e Axenda Bota un ollo á actividade do GEA

O «Filma Afro 2020» abre o prazo de solicitudes de ‘Bolsas Ibermedia’ e ‘Matrículas Internacionais’

Admítense propostas até o 15 de febreiro

21/01/2020
«Filma Afro Cartagena», o Laboratorio Internacional en Desenvolvemento de Proyectos documentais, é un punto de encontro no que se dan cita realizadoras/es de Iberoamérica e o mundo para traballar xunto a grandes profesionais da cinematografía internacional no perfeccionamento de proxectos documentais cuxo tema central estea relacionado coa representación da cultura Afro.
A organización vén de abrir o prazo para a presentación de solicitudes ás “Bolsas Ibermedia”, dirixidas a realizadoras/es nacionais de países Iberoamericanos + Italia ( América Latina + Portugal , España e Italia). A cuantía é de 1.666 USD e inclúe a participación en todo o proceso formativo e certificación (non inclúe gastos de estancia nin billetes aéreos).
Para participar, as persoas candidatas deberán encher un formulario no que poderán  achegar a información do proxecto (Long Line, Sinopse, Tratamento, Proposta Estética, Motivación, Orzamento, Plan Financeiro, Teaser, entre outros requisitos técnicos).

»Formulario Bolsas Ibermedia

Ao tempo, está aberto tamén  o prazo para a realización de “Matrículas Internacionais”, dirixidas a realizadoras/es, empresas audiovisuais ou institucións de calquera nacionalidade con proxectos documentais en estado avanzado de desenvolvemento que cumpran coas condicións xerais do Laboratorio. Para participar deben cumprimentar tamén un formulario en liña.

»Formulario Matrículas Internacionais

Este proceso formativo está organizado de maneira conxunta entre Cine en las Aldeas e CORPTURISMO Funza. Conta, ademais, co apoio do Programa Ibermedia, o Centro de Formación da Cooperación Española en Cartagena de Indias, a Fundación Conéctate Caribe, a Corporación Carabantú, entre outros aliados nacionais.
O prazo de presentación para ambas modalidades remata o 15 de febreiro. 
Para más información: 
MÁIS NOVAS
A Facultade de Comunicación acolle un grupo focal internacional de análise do potencial da realidade mixta na contorna académica universitaria
A actividade realizouse no marco do proxecto europeo “CloudClass: Low Cost, Mobile, Cloud & Template Based Augmented Reality Studio for Education' que o GEA lidera na USC.
23/02/2024

Dous investigadores do Grupo de Estudos Audiovisuais da USC, Roi Méndez Fernández e Rocío del Pilar Sosa Fernández, guiaron este grupo focal internacional, en coordinación con Jim Playfoot (WhiteLoop) e Kateryna Holubinka (Open Universiteit Nederland), no que participaron unha decena de membros representantes da diversidade da comunidade universitaria da USC: profesorado, persoal técnico e alumnado […]

Seguir lendo
Call for papers para a 13ª conferência internacional de cinema de Viana ata o 1 de marzo
A conferencia terá lugar na Escola Superior de Educação de Viana do Castelo.
22/02/2024

A XIII Viana International Film Conference é un espazo de reflexión e intercambio de experiencias destinado a construír unha comunidade internacional de intereses e dar a coñecer proxectos relacionados cos temas centrais do cinema e o audiovisual: cinema e escola, cinema: arte, ciencia e cultura e fotografía e memoria. A 13ª edición terá lugar en […]

Seguir lendo
Enrique Castelló participa no podcast “La tribu hereje”
O coordinador do GEA reflexionou sobre inclusión e brecha digital
16/01/2024

Enrique Castelló, profesor de Ciencias da Comunicación da USC e coordinador do Grupo de Estudos Audiovisuais, presentou un escenario desmitificador de infundados estigmas, que campan en torno á dixitalización e ás tecnoloxías emerxentes, á inclusión e á brecha dixital no capítulo 4 de La tribu hereje. Un podcast contra o idadismo que se basea na […]

Seguir lendo
© 2024 Estudos Audiovisuais