Ábrese o prazo de presentación de propostas ao Prémio PrimeirOlhar
Recoñece os mellores documentais realizados por estudantes de cinema e audiovisual no ámbito lusófono
Os Encontros de Cinema de Viana abren un ano máis a convocatoria de presentación de candidaturas aos Premios PrimeirOlhar, unha sección competitiva que procura promover a realización de documentais co recoñecemento do mellor filme de non ficción desenvolvido por estudantes de escolas de cinemas, de audiovisual, comunicación e de participantes en cursos de documental promovidos por distintas entidades de Galicia, Portugal, Brasil e doutros países da área lusófona.
Poden participar filmes producidos entre xaneiro de 2019 e marzo de 2020, con duración inferior a 30 minutos, e fosen ou non realizados no contexto escolar. O prazo para a presentación de propostas vence o 30 de marzo e non hai límite para o número de obras que cada realizador/a pode presentar.
O regulamento para a presentación de traballos e o formulario de inscrición están dispoñibles en liña.
Os Encontros de Cinema de Viana, organizados pola Associação AO NORTE e pola Câmara Municipal de Viana do Castelo, afírmanse como unha experiencia única no medio cultural da rexión e do país, ao proporcionar un espazo común de convivencia, formación e debate en que conflúen estudantes de cinema e das escolas da área, cineclubistas de Portugal e Galicia e público en xeral, enriquecido coa participación activa de profesionais do medio artístico.
Este espazo de exhibición, divulgación e reflexión aposta polo chamamento á mocidade, pola convocatoria dun amplo espectro de públicos e polo estímulo do traballo creativo sobre a imaxe e a consciencia do seu poder para a representación da realidade.
Os días 10 e 11 de novembro a Facultade de Comunicación acollerá a decimoterceira edición do seminario CO(M)xénero, este ano titulada “Erro inesperado. Artesás e sintéticas contra as violencias na imaxe pública”. A inscrición xa está aberta, a participación é de balde ate completar aforo e a asistencia ó seminario é unha actividade recoñecida para […]
A aprobación da Lei Xeral do Audiovisual en 2022 actualizou o marco normativo español en materia audiovisual, abordando algúns dos retos presentados por axentes como as plataformas de streaming pero deixando abertos algúns outros no relativo á protección da diversidade. O proxecto LEXCAV, financiado polo Programa Estatal de I+D+i Orientada a los Retos de la Sociedad e desenvolvido polo Grupo Estudos Audiovisuais, ten realizado nos […]
O Teatro Colón da Coruña foi o escenario este venres da V Gala da Cultura, unha cita na que a Deputación da Coruña reuniu 19 persoas premiadas en 13 categorías. O evento, presentado pola xornalista Susana Pedreira e o actor e músico Xoán Fórneas, contou coa actuación de Caamaño & Ameixeira e cunha destacada presenza […]