Co título Modos de ver e ser vistas. As mulleres que coñezo no cinema galego, o próximo número da revista Galicia 21 fai un chamamento ao envío de artigos que analicen as obras e traxectorias cinematográficas de autoras galegas, que traten da autoría feminina como diferenza, que a poñan en relación coas políticas públicas de apoio ao cinema ou exploren os arquetipos femininos do cinema galego e a representación das mulleres ao fondo do cadro
Coordinado polas investigadoras do GEA Silvia Roca Baamonde e Marta Pérez Pereiro, o número manterá aberta a recepción de propostas, que contarán cun máximo de 250 palabras, até o 26 de febreiro de 2021. Aceptadas estas, os artigos completos poderán ser enviados até o 30 de xuño de 2021 e serán sometidos a un proceso de revisión por pares.
Consulta o Call for papers e a folla de estilo da revista e remite a túa proposta a Marta Pérez Pereiro (marta.perez.pereiro@usc.es) ou Silvia Roca Baamonde
(silvia.roca@usc.es).