Aberta a inscrición para o International Symposium `CloudClass: Virtual Communication for teaching innovation´
Evento de divulgación científica de innovación educativa implementada no proxecto europeo CloudClass.
O vindeiro venres 17 de febreiro, no Seminario 3 da Facultade de Ciencias da Comunicación, terá lugar o International Symposium CloudClass: Virtual Communication for teaching innovation. A interdisciplinariedad do programa pretende a transferencia de coñecemento xerado no seo do proxecto europeo “CloudClass, CloudClass: Low Cost, Mobile, Cloud & Template Based Augmented Reality Studio for Education”, financiado por el programa Eureka-Eurostars (Ref. E115354CloudClass).
Organizado polo Grupo de Estudos Audiovisuais (GEA) e coordinado polos profesores e investigadores do mesmo, Enrique Castelló e Roi Méndez, este simposio en lingua inglesa abre o debate sobre o potencial educativo de ferramentas tecnolóxicas para a creación e difusión de contidos educativos. Este evento céntrase na implementación de tecnoloxías de VR/AR/XR de baixo custo na aula que posibiliten unha aprendizaxe máis atractiva, interactiva e inmersiva no ámbito universitario.
O elenco de especialistas reunidos para este Simposio aúna perfís da industria e a academia de referencia internacional nos campos da comunicación, a innovación tecnolóxica e a didáctica virtuais. A análise da tecnoloxía de Cloudclass abordarase desde distintos enfoques: a visión empresarial e desenvolvemento tecnolóxico por Francisco Ibañez e Elena Llorca, responsables da área de proxectos I+D de Brainstorm Multimedia; a viabilidade do seu uso por docentes e discentes por Jim Playfoot, director e fundador da consultora WhiteLoop; a súa implementación para a docencia en contornas virtuais estará a cargo de Renate De Groot, Corrie Urlings e Kateryna Holubinka, The Open University of Netherlands; incorporación e metodoloxía testada en contornas presenciais por Enrique Castelló, Roi Méndez e Rocío Sosa, Universidade De Santiago de Compostela; para finalmente, exemplificar o seu uso cun estudo de caso do proxecto Polimedia a cargo de Antía Mosquera, Universidade De Santiago de Compostela. Durante o evento, presentarase o libro “CloudClass: Comunicación virtual para a innovación docente”, coordinado polos organizadores do simposio.
Polo seu carácter especializado, a actividade está dirixida a profesionais e persoal docente e investigador das ciencias da comunicación e da educación, así como a alumnado de grao, mestrado e doutoramento das áreas disciplinares da comunicación e a educación.
A matrícula no Simposio é libre e gratuíta, ata completar aforo e previa inscrición, outorgándose un diploma de asistencia co reflexo das horas lectivas cursadas. A confirmación da inscrición irase realizando ao longo da próxima semana segundo aforo.
A inscrición está aberta ata o vindeiro 16 de febreiro a través deste formulario.
A Escola Superior de Artes Media e Deseño (ESMAD), do Instituto Politécnico do Porto (P. PORTO), lanza o Premio John Goto ESMAD, P. PORTO, en homenaxe ao artista fotógrafo John Goto, cuxo traballo innovador contribuíu para a reformulación da fotografía como medio de comentario social e crítica cultural. Poden aplicar ao mesmo o estudantado de […]
O Repertorio da Radio Galega da Emigración está dispoñible para consulta en sala na biblioteca da Facultade de Ciencias da Comunicación da Universidade de Santiago de Compostela. Un catálogo histórico das actividades radiofónicas realizadas e protagonizadas polos emigrantes galegos fundamentalmente en América e Europa, pero tamén noutros destinos menos frecuentes con presenza galega. Cronoloxicamente abrangue desde […]
A oitava edición dos Premios María Luz Morales de Ensaio e Vídeoensaio sobre o Audiovisual está en marcha. Os Premios María Luz Morales de Ensaio e Vídeoensaio sobre o Audiovisual son unha iniciativa que busca impulsar a produción académica relacionada co ámbito audiovisual. E estimularon a produción de 179 traballos de investigación en materia audiovisual desde a súa […]