Actualidade
Novas e Axenda Bota un ollo á actividade do GEA

A web Novo Cinema Galego habilita o acceso aberto dun feixe de filmes

15/03/2020

Co gallo de contribuír con propostas culturais que faciliten pasar estes días de cuarentena, a web NovoCinemaGalego.info vén de abrir o acceso a un feixe dos filmes que figuran nos seus arquivos. Aínda que adiantan que nos próximos días serán máis as fitas que se incorporen á listaxe, incluímos ao pé do texto as que figuran polo momento.

O proxecto Novo Cinema Galego- Arquivo das Novas Prácticas Cinematográficas da Galiza xurdiu en 2015 co obxectivo de rexistrar e dar soporte científico aos procesos de vangarda na creación cinematográfica que están a agromar no país. Trátese dunha iniciativa desenvolvida por Álex Bragaña, Xurxo González, Beli Martínez, Alberte Pagán e Bárbara Primo, coa colaboración de Luis Cividanes, Xosé Nogueira, Martin Pawley, Jaime Pena, José Manuel Sande, e os investigadores do GEA, Marta Pérez Pereiro e Fernando Redondo Neira.

Filmes en aberto:

Todos vós sodes capitáns (Oliver Laxe, 2010)
Vikingland (Xurxo Chirro, 2011)
O Quinto Evanxeo de Gaspar Hauser (Alberto Gracia, 2013)
Hyohakusha (Xisela Franco e Ánxela Caramés, 2015)
Ser e voltar ( Xacio Baño, 2015)
Bs. As. (Alberte Pagán, 2006)
Leo y Mario [se dejan] (Sonia Méndez, 2011)
N-VI (Pela del Alamo, 2012)
Rapa das Bestas (Jaione Camborda, 2017)
Montaña en Sombra (Lois Patiño, 2012)
Listen to me (Carla Andrade, 2016)
O Cazador (Ángel Santos, 2008)

[actualización 20 de marzo]

Fogos (Martin Pawley e Marcos Pérez, 2017)
Sin Dios ni Santa María (Helena Girón e Samuel M. Delgado, 2015)
O porco e o seu espírito (Adrián Canoura, 2017)
La Brecha (Marcos Nine, 2011)
Piedad (Otto Roca, 2012)
Jet Lag (Eloy Domínguez Serén, 2014)
Vida Extra (Ramiro Ledo, 2013)
Arraianos (Eloy Enciso, 2012)
La declaración de los objetos (Cristobal Arteaga, 2016)
Fragmentos de Brand (Carlos Álvarez-Ossorio, 2012)
Visións (filme colectivo, 2016)
Verengo (Víctor Hugo Seoane, 2015)

 

MÁIS NOVAS
O GEA recibe a Mención Honorífica da USC pola súa traxectoria a prol da igualdade de xénero.
O acto de entrega celebrarase o 9 de marzo ás 12.00 h no Paraninfo da USC
26/02/2021

A Oficina de Igualdade de Xénero da USC outorga ao  Grupo de Estudos Audiovisuais a Mención Honorífica en recoñecemento a unha consolidada traxectoria de investigación e actividades formativas con perpectiva de xénero. Entre as iniciativas e accións promovidas polo GEA e valoradas para a concesión desta mención, a Universidade pon énfase no desenvolvemento do CO(M)XÉNERO-Seminario […]

Seguir lendo
Publícase o Libro de Homenaxes da Asociación Española de Investigación da Comunicación (AE-IC)
Cos textos de Margarita Ledo, Néstor García Canclini e Ramón Zallo
09/02/2021

A Asociación Española de Investigación de la Comunicación (AE-IC) acaba de publicar en aberto o libro de homenaxes da última edición do seu congreso internacional, que recoñeceu a traxectoria de Margarita Ledo Andión, Néstor García Canclini e Ramón Zallo. O volume inclúe as laudatorias que lles dedicaron Emili Prado, Miquel de Moragas e Mª Trinidad […]

Seguir lendo
Margarita Ledo Andión tomará parte nas conferencias maxistrais do Museo Reina Sofía
Será o 26 de febreiro ás 18.00 horas
09/02/2021

A Cátedra Juan Antonio Ramírez do Museo Reina Sofía convida á investigadora, cineasta, poeta e escritora Margarita Ledo Andión ao seu programa de conferencias maxistrais. Baixo o título “Exilio. Feminismo. Ensaio fílmico: o corpo como vestixio“,  Ledo Andión propón unha reflexión en torno ao corpo como punto de chegada logo de percorrer un fío invisible que […]

Seguir lendo
© 2021 Estudos Audiovisuais