A USC co-financiará os custos dos plans de datos do alumnado matriculado en titulacións oficiais de grao e mestrado co fin de asegurar o seu acceso ao contido do Campus Virtual e demais ferramentas didácticas necesarias para a súa actividade académica. Esta medida, que se poderá solicitar dende o luns 30 de marzo, contempla os gastos de acceso a internet correspondentes ao mes no que se declarou o estado de alarma ou ao de abril. A medida queda recollida na resolución reitoral de 27 de marzo pola que se establecen as bases reguladoras e se convocan axudas concorrencia non competitiva para facilitar o desenvolvemento da docencia virtual do alumnado na USC polo COVID-19. O seu obxectivo é contribuír a que a docencia continúe coas mellores garantías posibles para o alumnado, especialmente aquel que se atope en situación de vulnerabilidade debido ao impacto social e económico que está tendo a crise polo COVID-19.
A cantidade máxima de datos cofinanciable será de 60 xigabytes (XB) en total, independentemente da modalidade contractual, bono, cambio temporal de tarifa, ou outras circunstancias similares. A axuda co financiará o 90 por 100 do gasto realizado pola persoa beneficiaria, non podendo superar en total 40 euros por persoa. Poderán acceder á consideración de beneficiarios o alumnado que estea matriculado nunha titulación oficial de grao ou mestrado no curso 2019-2020, e que cumpra os requisitos establecidos na Lei 9/2007, do 13 de xuño, de subvencións de Galicia. Unicamente poderá solicitarse unha achega por persoa beneficiaria.
A presentación de solicitudes farase a través da Sede Electrónica da USC, empregando o formulario normalizado de solicitude disponible dirixido á Xerencia da USC. O prazo para a presentación de solicitudes rematará o 15 de abril.
Suspensión do cobro de servizos
Paralelamente e derivado da declaración do estado de emerxencia sanitaria e de estado de alarma, a USC suspendeu o cobro das cotas do Servio Universitario de Residencias, así como da Escola Infantil Breogán e das actividades de extensión universitaria. Ademais, a institución procederá de oficio á devolución das cotas aboadas pola prestación destes servizos pola parte correspondente dende a data de peche das instalacións da Universidade e ata a fin da vixencia da instrucción VII/2020 da Xerencia, de 26 de marzo, pola que se establece a xestión orzamentaria como consecuencia da crise pola COVID-19.
[Fonte: Xornal USC; Imaxe: Santi Alvite via Xornal USC]
A Filmoteca de Galicia acolle os días 3 e 4 de decembro os actos de despedida da revista A Cuarta Parede, a publicación de crítica cinematográfica que foi un referente durante quince anos no ámbito galego. Fundada en 2011 por Eloy Domínguez Serén, membro do Grupo Estudos Audiovisuais, e Víctor Paz Morandeira, Tal e como recolle […]
Nun contexto de crecente dixitalización e demanda por experiencias máis inmersivas, o turismo cultural atópase ante a oportunidade de integrar tecnoloxías emerxentes e realidade virtual para enriquecer os seus itinerarios. Incorporando elementos lúdicos, psicolóxicos, educativos e de participación, estes novos modelos atraen a públicos novos, presentando un alto potencial para transformar a experiencia turística e […]
Comprácenos anunciar unha nova edición do CO(M)XÉNERO – Seminario Permanente de Comunicación e Xénero da USC, organizado polo Grupo de Estudos Audiovisuais. `A brigada invisible. Kellys, criadas e internas saen a escena´ será o tema desta décima segunda edición, que terá lugar os días 4 e 5 de novembro no Visionado 1 da Facultade de Ciencias da Comunicación. A […]