A finais de novembro celebrarase en Valencia un seminario sobre a Modernidade cinematográfica, con presenza do I+D+i sobre o cinema español posbélico
Os días 26 e 27 do presente mes de novembro celebrarase en Valencia o Seminario Crónica de un desencuentro. La recepción del cine moderno en España. O evento está organizado como culminación dun Proxecto de Investigación promovido desde a Universidade de Barcelona e centrado no estudo das difíciles condicións de recepción do cinema moderno no eido español entre os anos cincuenta e setenta do pasado século (Proxecto ECME La Modernidad Cinematográfica en España: Recepción y Asimilación, HAR2012-31411).
Trátase dun seminario que recollerá boa parte das conclusións do devandito proxecto, pero ampliando a perspectiva coa intervención doutros historiadores, críticos e cineastas que traballaron sobre ese mesmo período do cinema español ou sobre a noción da Modernidade cinematográfica. Entre eles, José Luis Castro de Paz presentará o día 27 a relatorio La modernidad en el cine español, de xeito que o concepto de modernidade crispada e popular proposta nas análises efectuadas desde o I+D+i Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648, Plan Nacional de I+D+i 2013-2015, Mineco – Goberno de España) será debatido polo Investigador Principal do Proxecto con propostas doutros investigadores, expertos en campos afíns ao noso obxecto de estudo.
A participación de José Luis Castro de Paz no seminario vén engrosar así o último ciclo de intervencións do I+D+i sobre o cinema español posbélico en diversos encontros científicos, do que estamos a dar conta nestes meses finais da investigación.
O documental Santa Liberdade (Margarita Ledo Andión, 2004) e o filme Longa noite (Eloy Enciso, 2019) poderán verse este mes de setembro no Museo Nacional e Centro de Arte Raíña Sofía, en Madrid, dentro do ciclo «As re-voltas da memoria». Este ciclo propón, a través do documental e do cinema-ensaio, distintas formas de abordar a […]
O traballo de análise, preservación e difusión do patrimonio histórico-cultural da comunidade lusófona recibe un novo impulso coa incorporación do Museo Virtual da Lusofonia á plataforma Google Arts an Culture. A cerimonia de presentación terá lugar o vindeiro 4 de setembro ás 21 horas (22 horas na Galiza) no Museu Nogueira da Silva e será […]
O VII Congreso Internacional da Asociación Española de Investigación de la Comunicación (AE-IC) celebrarase na Facultade de Filoloxía, Tradución e Comunicación da Universidade de Valencia, do 28 ao 30 de outubro de 2020 e terá carácter semipresencial. Desta maneira, a asociación e a Universidade de Valencia buscan garantir o cumprimento das medidas de prevención esixidas […]