Investigacións
Proxectos de investigación, contratos, teses e traballos de investigación

Visualización avanzada e interacción aplicada a escenarios virtuales

As técnicas de visualización avanzada e interacción persoa-computador habitualmente utilizadas nos mundos da realidade virtual e aumentada teñen outros moitos campos de aplicación. Nesta tese estúdase a súa aplicación a dous destes entornos: os platós virtuais de televisión e os museos interactivos.

O primeiro caso proponse unha nova arquitectura hardware e software escalable e distribuída que permite a inclusión áxil de novos dispositivos de cara a mellorar a interactividade dos platós virtuais de televisión, permitindo afrontar, desta forma, un dos retos históricos desta tecnoloxía que na actualidade segue sen estar resolto. Por outro lado, realizouse un estudo e proba de diferentes técnicas de visualización avanzada que permitan unha mellor integración dos mundos virtual e real.

No campo dos museos interactivos preséntanse catro desenvolvementos que fan uso de dispositivos e metáforas de interacción novidosas de cara a facelos máis atractivos para o usuario. Descríbese o proceso de deseño, implementación e posterior exhibición dos módulos expositivos en distintos museos interactivos, analizando o valor engadido aportado polas técnicas de visualización avanzada e interacción utilizadas en cada caso.

Descarga

Autor/a: Roi Méndez FernándezDirector/a: Enrique Castelló MayoData de lectura: 18/04/2017
NOVAS RELACIONADAS
A Facultade de Comunicación acolle un grupo focal internacional de análise do potencial da realidade mixta na contorna académica universitaria
A actividade realizouse no marco do proxecto europeo “CloudClass: Low Cost, Mobile, Cloud & Template Based Augmented Reality Studio for Education' que o GEA lidera na USC.
23/02/2024

Dous investigadores do Grupo de Estudos Audiovisuais da USC, Roi Méndez Fernández e Rocío del Pilar Sosa Fernández, guiaron este grupo focal internacional, en coordinación con Jim Playfoot (WhiteLoop) e Kateryna Holubinka (Open Universiteit Nederland), no que participaron unha decena de membros representantes da diversidade da comunidade universitaria da USC: profesorado, persoal técnico e alumnado […]

Seguir lendo
© 2024 Estudos Audiovisuais