A avaliación das políticas europeas de apoio ao cinema e análise da situación das pequenas cinematografías comunitarias son os albos do encontro internacional de investigadores que o Grupo de Estudos Audiovisuais organiza en París no marco do proxecto ‘Cara o Espazo Dixital Europeo. O papel das pequenas cinematografías en versión orixina’ (eDCINEMA).
Celebrado na Sala Ramón y Cajal do Centro Español en París do 10 ao 12 de setembro, o seminario conta coa participación de especialistas de diferentes universidades europeas, como Thomas Elsaesser (Universidade de Amsterdam), Jacques Guyot (Université París 8), Hannu Vanhanen (Lapin Ylopisto) e Steve Blandford (Glamorgan University) ademáis de diversos membros do Grupo de Estudos Audiovisuais,
É este o primeiro acto dun programa de encontros internacionais de carácter anual que redundan no carácter europeo do proxecto eDCINEMA e amosan os esforzos do GEA na procura de interrelacións entre investigadores de distintos países e ámbitos. A próxima cita será en Santiago de Compostela no outono de 2014.
