Viaxa ao Festival de Venecia co 28 Times Cinema
NUMAX selecciona mozas e mozos para seren xurado da sección Giornati degli Autori
Tes entre 18 e 25 anos? Dominas o inglés? Gústache o cinema e compartir as túas impresións na rede? Se cumpres estas 3 condicións tes unha oportunidade única para ser xurado no Festival de Venecia co 28 Times Cinema, un programa que permite a 28 mozos e mozas de toda Europa acudir ao festival cos gastos pagados para ser xurado da sección Giornati degli Autori.
Europa Cinemas, o LUX Prize e Giornati degli Autori veñen de designar, por segunda ocasión, a NUMAX como o cinema español encargado de participar na selección de candidaturas.
O 28 Times Cinema leva unha década brindando a mozos e mozas de toda Europa a oportunidade única de participar desde dentro dun dos festivais máis prestixiosos do mundo. Cada país da Unión conta cunha persoa representante no encontro e, ao igual que sucedera en 2017, NUMAX será a sala española participante na selección. Participa seguindo estes sinxelos pasos:
Como presento a miña candidatura?
1) Grava un videoselfie falado en inglés no que expliques que te apaixona do cinema, comezando pola frase What Do I Love in Cinema… O vídeo durará un máximo de 30 segundos, debes incluír o teu nome e país de procedencia, estar gravado en alta resolución (1920×1080) e excelente calidade de audio. Valorarase a calidade e creatividade do vídeo.
2) Cubrir o formulario de inscrición e descargar o pdf coas respostas: https://form.jotformeu.com/
3) Enviar por wetransfer o vídeoselfie xunto co formulario de inscrición en pdf ao correo comunicacion@numax.org
Cando presento a miña candidatura?
Até o mércores 10 de abril, incluído.
Compromisos da persoa selecionada
De entre as solicitudes recibidas NUMAX preseleccionará 3 candidatas e Europa Cinemas será a encargada de decidir que persoa represente a España no 28 Times Cinema. A embaixadora designada comprometerase a:
- Estar presente en Venecia do martes 27 de agosto ao domingo 8 de setembro (a viaxe será costeada polo Parlamento Europeo).
- Ser membro do xurado da sección Giornate delgi Autori.
- Ver todos os filmes presentados nesta sección e nas candidatas aos LUX Prize.
- Participar nos debates e mesas redondas con cineastas e outros convidados.
- Contribuír ao blog especialmente creado para o programa.
- Participar na web e as redes sociais de Europa Cinemas.
- Ser embaixador activo do LUX Film Prize durante os eventos organizados no seu país logo do Festival de Venecia.
Organizan Europa Cinemas, Giornate degli Autori, LUX Film Prize e o Cinema NUMAX
A Escola Superior de Artes Media e Deseño (ESMAD), do Instituto Politécnico do Porto (P. PORTO), lanza o Premio John Goto ESMAD, P. PORTO, en homenaxe ao artista fotógrafo John Goto, cuxo traballo innovador contribuíu para a reformulación da fotografía como medio de comentario social e crítica cultural. Poden aplicar ao mesmo o estudantado de […]
O Repertorio da Radio Galega da Emigración está dispoñible para consulta en sala na biblioteca da Facultade de Ciencias da Comunicación da Universidade de Santiago de Compostela. Un catálogo histórico das actividades radiofónicas realizadas e protagonizadas polos emigrantes galegos fundamentalmente en América e Europa, pero tamén noutros destinos menos frecuentes con presenza galega. Cronoloxicamente abrangue desde […]
A oitava edición dos Premios María Luz Morales de Ensaio e Vídeoensaio sobre o Audiovisual está en marcha. Os Premios María Luz Morales de Ensaio e Vídeoensaio sobre o Audiovisual son unha iniciativa que busca impulsar a produción académica relacionada co ámbito audiovisual. E estimularon a produción de 179 traballos de investigación en materia audiovisual desde a súa […]