Medios de comunicación móviles.

O medio móbil veu para quedar. Medios tradicionais e novos realizan a súa aposta para ir canda nós no peto a todas partes. O presente artigo explora as potencialidades do medio móbil (personalización, xeolocalización e integración multimedia) nos trinta medios españois de maior audiencia nos sectores de prensa, radio e televisión. Os resultados amosan que a xeolocalización é a fortaleza menos explorada, mentres que na integración multimedia se avanzou moito máis. Na comparativa entre medios, as aplicacións de prensa, a pesar de ser internamente máis complexas, son tamén as que maiores opcións de adaptación ofrecen ao usuario. O estudo constitúe unha fotografía necesaria sobre a situación dos medios españois no escenario da mobilidade.