El documental en España: espacios de lo político

O desenvolvemento do documental político en España veu condicionado por un percorrido histórico que acabou por resultar determinante na case ausencia dunha tradición consolidada de militancia audiovisual desde a non ficción. Porén, e  a pesar de todos os obstáculos, o formato seguiu reinventándose desde a adversidade para conformar un contrarrelato capaz de cuestionar o Poder. O presente debate busca analizar o estado actual deste tipo de documental no noso país, definir a relación que mantén cos espectadores, detectar as súas vías de distribución e entender que lugar ocupa respecto ao documental político internacional.