Actualidade
Novas e Axenda Bota un ollo á actividade do GEA

O Colexio de Xornalistas defende a información de proximidade como un piar básico dos medios públicos

11/05/2018

A Xunta de Goberno do Colexio Profesional de Xornalistas de Galicia expresa a súa fonda preocupación pola anunciada desaparición das desconexións locais dos servizos informativos na nova grella da Radio Galega que vén de presentarse e entrará en vigor o vindeiro setembro.

A Corporación Radio e Televisión de Galicia anunciaba este martes aos traballadores os cambios na grella de cara á nova tempada 2018-2019. Entre as novidades da programación está a supresión das desconexións locais dos servizos informativos, unha decisión que se une ao peche, en 2010, das delegacións de Ferrol, Burela e Pontevedra.

A información de proximidade ten que ser un dos piares básicos da función dos medios públicos, máis aínda, se cabe, nun contexto poboacional como o galego e nun medio, o radiofónico, que non por acaso é un dos preferidos polo público para achegarse ás noticias locais. Se ben desde a dirección se asegura que se continuará a ofrecer información local dentro doutros espazos, isto implica a perda dunha referencia horaria para a cidadanía dentro da programación, ademais dunha centralización da información que resta independencia ás delegacións.

Por outra banda, o Colexio de Xornalistas lamenta tamén outra das novidades que trae a nova programación da emisora pública: a desaparición do Diario Cultural como espazo independente. A corporación asegura que o cambio de formato obedece a unha aposta pola cultura, que busca convertela nun elemento estrutural da nova grella, mais, con independencia de que a dirección sexa libre de mudar a programación, esta aposta semella contradictoria coa atomización da programación cultural e a desaparición do formato referencial da cultura nos medios públicos, que contaba con 28 anos de historia.

MÁIS NOVAS
Aberta a inscripción para a décimo terceira edición do CO(M)XÉNERO.”Erro inesperado.  Artesás e sintéticas contra as violencias na imaxe pública”.
O seminario terá lugar os días 10 e 11 de novembro no Visionado 1 e Auditorio da Facultade de Ciencias da Comunicación.
23/09/2026

Os días 10 e 11 de novembro a Facultade de Comunicación acollerá a decimoterceira edición do seminario CO(M)xénero, este ano titulada “Erro inesperado.  Artesás e sintéticas contra as violencias na imaxe pública”.  A inscrición xa está aberta, a participación é de balde ate completar aforo e a asistencia ó seminario é unha actividade recoñecida para […]

Seguir lendo
O Grupo Estudos Audiovisuais aborda o impacto da Lei Xeral do Audiovisual na diversidade lingüística e cultural con figuras expertas da academia e do sector audiovisual 
O II Simposio Internacional LEXCAV terá lugar na Facultade de Ciencias da Comunicación o 29 e 30 de xuño e servirá de peche ao proxecto do mesmo nome
09/06/2026

A aprobación da Lei Xeral do Audiovisual en 2022 actualizou o marco normativo español en materia audiovisual, abordando algúns dos retos presentados por axentes como as plataformas de streaming pero deixando abertos algúns outros no relativo á protección da diversidade. O proxecto LEXCAV, financiado polo Programa Estatal de I+D+i Orientada a los Retos de la Sociedad e desenvolvido polo Grupo Estudos Audiovisuais, ten realizado nos […]

Seguir lendo
Recoñecemento ao talento de Margarita Ledo e Manuel Barreiro na V Gala da Cultura
30/04/2026

O Teatro Colón da Coruña foi o escenario este venres da V Gala da Cultura, unha cita na que a Deputación da Coruña reuniu 19 persoas premiadas en 13 categorías. O evento, presentado pola xornalista Susana Pedreira e o actor e músico Xoán Fórneas, contou coa actuación de Caamaño & Ameixeira e cunha destacada presenza […]

Seguir lendo
© 2026 Estudos Audiovisuais