Margarita Ledo Andión participa nun seminario web sobre sobre documental feminista
O webinar irá acompañado dun ciclo de cine VoD, que incluirá o seu filme Nación
Do 15 ao 17 de setembro, a Universitat Rovira i Virgili de Tarragona organiza un webinar titulado “El documental feminista en España como agente del cambio social” no que participará Margarita Ledo Andión. Ledo conversará con Pilar Monsell sobre a articulación a través da linguaxe documental da memoria das mulleres traballadoras. A sesión, titulada “Nunca trabajéis gratis, por favor. ¡A la mierda!” retomando as palabras dunha das protagonistas do filme Nación (2020), celebrarase o mércores 15 de setembro ás 12:30 e estará moderado por Núria Araüna.
Ao longo dos tres días poderán seguirse relatorios e conversas sobre temas, prácticas e pedagoxía de documental feminista contemporáneo en España da man de investigadoras, cineastas e escritoras como Laia Quílez, Elena Oroz, Xiana do Teixeiro, Helena Taberna, Eulàlia Iglesias ou Marta Selva entre outras. O programa do seminario presenta unha perspectiva interseccional con temas que van dende a violencia sexual, as migracións, a loita obreira ou a memoria ata os métodos de investigación e formación sobre documental feminista. As sesións poderán seguirse en liña previa inscrición.
O seminario irá acompañado dun ciclo de cine de mulleres en VOD que se estenderá do 13 ao 27 de setembro. Neste ciclo poderán verse doce filmes documentais realizados por mulleres nos últimos dous anos, entre eles filmes galegos como Nación (Ledo, 2020) ou Todas as mulleres que coñezo (Do Teixeiro, 2018).
O webinar e o ciclo son actividades derivadas do proxecto da Universitat Rovira i Virgili titulado “Articulaciones del género en el documental contemporáneo español: una perspectiva interseccional” financiado polo Ministerio de Ciencia, Innovación y Universidades e pola Agencia Estatal de Investigación.
Margarida M. Krohling Kunsch, da Universidade de Sao Paulo, e Moisés de Lemos Martins, da Universidade do Minho, recibiron esta mañá a Insignia de Ouro da USC nun acto no Salón de Graos do Colexio de San Xerome. A catedrática emérita Margarita Ledo fixo a louvanza destes dous investigadores fundamentais na construción do ámbito lusófono […]
A Asociación Española de Investigación da Comunicación AE-IC mantén aberta ata o 18 de outubro de 2021 a chamada á presentación de traballos para o VIII Congreso Internacional que se celebrará en Barcelona do 28 de xuño ao 1 de xullo de 2022. Investigadores/as en comunicación, especialmente dos ámbitos español, europeo e latinoamericano, están convidados […]
A revista MATRIZes recolle no seu último número unha homenaxe ao investigador Jesús Martín-Barbero na que o GEA contribúe cun texto escrito polos profesores Margarita Ledo, Isabel Ferín, Manuel Pinto e Joseph Straubhaar. Outros pesquisadores como Maria Immacolata Vassallo de Lopes, Muniz Sodré ou Néstor García Canclini contribúen na monografía con testemuños sobre a obra […]