José Luis Castro de Paz explica na TVG a decisiva vinculación de Wenceslao Fernández Flórez co cinema español
Tras o éxito de repercusión do Simposium Internacional Costumismo, humor, melancolía, reflexividade: Impronta de Wenceslao Fernández Flórez no cinema español organizado a finais do pasado mes de marzo ao abeiro do Proxecto de Investigación Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648, Plan Nacional de I+D+i 2013-2015, Mineco – Goberno de España), o Investigador Principal do Proxecto, José Luis Castro de Paz, participou o domingo 20 de abril no programa cultural Zigzag – Eirado da Televisión de Galicia nunha entrevista sobre a vinculación da obra de Fernández Flórez co cinema español.
Na súa intervención, Castro de Paz referiuse á decisiva influencia do escritor galego, sintetizando a súa longa relación co cinema español dende os años vinte ata as famosas adaptación de “El bosque animado”, facendo especial fincapé nas dúas décadas posbélicas, que acolleron o maior número das translacións dos seus textos á pantalla.
Prolongando os actos iniciados co pasado Simposium e o ciclo paralelo programado polo CGAI – Filmoteca de Galicia, a emisión do programa coincide nestas datas co cincuentenario do pasamento do escritor coruñés o 29 de abril de 1964.
O GEA participou na Conferencia internacional “Personal Perspective and Essayistic Form in Nonfiction Film and Art” en Vilnius, Lituania. A representación do Grupo de Estudos Audiovisuais estivo formada pola Catedrática Emerita de Comunicación Audiovisual da USC e IP Margarita Ledo, a profesora Marta P. Pereiro e os profesores Cibrán Tenreiro e Eloy Domínguez.
A Asociación Española de Investigación de la Comunicación (AE-IC) celebrará o seu IX Congreso Internacional na Facultade de Comunicación e Documentación, Campus Espinardo, da Universidade de Murcia, do 28 ao 31 de maio de 2024 baixo o lema “Comunicación e Innovación Sostíbel”. O Congreso convoca aos/ás investigadores/as en comunicación, nomeadamente no ámbito español, europeo e […]
Os días 14 e 15 de setembro de 2023 celebrarase no Auditorio da Facultade de Ciencias da Comunicación da USC o seminario Cinema e deporte. Clase xénero e cuestión nacional. Este seminario está organizado polo Grupo de Estudos Audiovisuais da Universidade de Santiago de Compostela, Cinema. Col.lectiu d´Investigació Estètica des Mitjans Audiovisuals da Universidade Pompeu […]